Вашингтоналда Цолъарал Штатазул Конгрессалъул библиотекаялда кIвар буссинабулеб буго Персиялъул бечедаб мацIалде. "Персиялъул техьалъе 1000 сон" абураб экспозициялда рихьизарулел руго Иран тун къватIиб бугеб Персиялъул коллекциязул цояб. Гьеб коллекциялда буго гьединго "Шахнаме" яги "Ханзабазул техь" абураб эпикияб поэмаги. Гьенирго руго жакъасеб Ираналъул, Афгъанистаналъул ва Таджикистаналъул тIахьалги. Экспозициялъул куратор Гьирад Динаварица лъазабун буго Эркенлъи Радиоялъе, гьеб экспозициялъул мурад кколин магърибалъул гIадамазул Персиялъул мацIалъул литератураялъулгун лъай-хъвай гьабиги, жалго гьеб мацIалде хурхен бугел гIадамазда жидер бечедаб литературияб ирсалъе кьолеб къимат цIикIкIинабиги.
Персиялъул техьалъе 1000 сон
1
Экпозициялда лъун руго Персиялъул некIсиябги гьанжесебги мацIалда тIахьалги. Гьел руго историялъул, диналъул, прозаялъулгун позиялъул, гIисиназул литератураялъул темабазул тахьал.
2
3
ЦIигьабун 2013 соналда бахъараб «Шахнаме» абураб эпикияб поэма.
4
ГIолохъабаз телефоналъ сураб бахъулеб буго экспонатазул.
5
Экспозициялъул куратор Гьирад Динаварица бицунеб буго, цебе персазул мацI хIалтIизабулеб букIанин кIудияб территориялда КIудиял моголазул империялдаса байбихьун ГIусманияб империяде щвезегIанин.
6
«ТIадегIанас рижаразул мугIжизатал ва рухIчIаголъиялъул гIажаиблъи» абураб 1565 соналда Закария ибн МахIамадицаги МахIмуд Абу Яхья Казвиницаги хъвараб техь.
7
«Бегьулеб магиялъул тIехь». МахIамад-Ахли Ширази, 1545 сон.
8
«Ханасул техь». Автор - МахIамад Амин ибн Аби аль-Хусейн (Индия). 1825 сон.
9
«Ханзабазул сайгъатал ва гьезул практика». Иран. Тебриз. 1856 – 1857 сонал.
10
Коллекциялда гъорлъ буго гьединго 1881 соналда кабулалда бахъараб Кабулалдаса «ГIайиша Дурранил шигIрабазул тасса рищарал» абураб тIехьги.
11
Бомбеялдаса «Мунагьал гьечIев Гатил гимн». 1927 сон.
12
13
"ГIумар Хаямил Рубаят», Эдвард Сиджеральдица буссинабураб 11 гIарсуялъул тIасса рищарал шигIрабазул тIехь.
14
«Шахнаме» Персиялъул ханзабазул эпос.