Къуваталъул идарабазул хIалтIухъабаз машина чIезабулаго гьенир рукIарал кьвагьдана. Данде кьвагьаралъ киналго чIванилан лъазабулеб буго Терроралда данде чIараб комитеталъ. ЧIваразул цояв ккола 44 сон барав ХIажиев Мурадбег. ХутIарал кIигоял щалали жеги чIезабун гьечIо. Къуваталъул идарабазул рахъалдаса лъиениги зарал ккечIо. Дагъистаналъул цIех-рехалъул комитеталда ва жанисел ишазул министерлъиялда чIваразул хIакъалъулъ кинабгIаги информация кьечIо.
Терроралда данде чIараб комитеталъ лъазабухъе, чIварав ХIажиев Мурадбег цевегоялдаса нахъе вукIана изну гьечIого яргъид гIуцIаразул къокъаялъул жигарав гIахьалчилъун, гIагараб заманалда жаниб гьесда ракIалда букIун буго кIудияб теракт гьабизе. Гьелъие нугIлъи гьабулеб буго машинаялда жаниб батараб кIудияб кьвагьулеб алаталъ. Полициялъулал кьвагьдолаго гьеб бомба кьвагьун бугоян лъазабулеб буго официалиял къуваталъул идарабаз. Гьединго автомобилалда жаниб батана къокъ гьабураб Калашниковасул автомат ва кIиго батIияб тайпаялъул таманча абун хъвалеб буго «Риа Новости» сайталъ, Дагъистаналъул полициялдаса щвараб информациялда рекъон.
ЧIваразул гIагарлъиялъ ялъуни цогидаз гьеб лъугьа-бахъиналд
