Босниягун Гьерцеговинаялъул тахшагьар Сараевоялда мина бан, цIидахъан рагьун буго Гъази Хусрев-бег абулеб Исламияб тарихияб библиотека. Гьениб цIунула 100 азаргоялдаса тIехь. Аслияб къагIидаялда гIарабалъ ва турк мацIалъ хъварал. Гьеб библиотекаялъе 1537 соналда кьучI лъуна ГIусманазул халифаталде гъорлъе унеб букIараб Босниялъул вилаяталъул раис Гъази Хусрев-бегица. Тарихалъул манзилазда жаниб гьеб библиотекаялъул коллекция бакI-бакIалде щвезабулаан. 1990-абилел соназда гьениб букIараб рагъул заманалда рехсараб библиотекалъул тIахьал микьго бакIалда цIунулаан. Гьанже Катаралъул гIарцул кумекалдалъун цIияб мина бан буго. RFE/RL Балкан хъулухъалъул мухбир Митхат Потуровичица рахъарал суратал.
Сараевоялда тарихияб Исламияб библиотека
1
Гъази Хусрев-бег абулеб Исламияб тарихияб библиотекаялъул цIияб минаялъул кIалтIа
2
3
Библиотека рагьиялъул рохалилаб тадбиралде рачIун рукIана Катаралдаса хIурматиял гьалбал. Катаралъул спонсораз $ 8,8 млн кьуна цIияб мина баялъе.
4
Босниялъул цIалдохъаби библиотека рагьиялъул тадбиралда
5
6
7
8
Босниялъул лъабрахъалъулаб президентлъиялъул мушаварачи Бакъир Летбегович (квегIса) Катаралъул пачалихъияв хъулухъчигун.
9
Библиотекаялда цIунулел хъвай-хъвагIаязул бищун некIсияблъун ккола ХII гIасруялда гIарабалъ хъвараб.
10
11
12