Рехсараб комитеталъул хIалтIухъабазул баяназда рекъон, Черкесовги, Къасумовги, Валиюлаевги балъго хIалтIизе лъугьун руго исана июнь моцIалдаса байбихьун. ЦIех-рех гьабизегIан гIадамал жанир тIамулеб Буйнакскиялъул изоляторалъул нухмалъулев Мамаевги полициялъул хIалтIухъан МухIамадовги гьезул къокъаялъ чIванила, шагьаралда ругел бизнесменазухъа гIарацги гьез бахъулаанила, тукабиги гьез кьвагьизарулаанила.
Терроралда данде чIараб комитеталъул вакилзабаз абулеб буго жидеца гьел лъабазего рес кьолеб букIанин гьел жанир рахчараб щутIалаяб минаялъуса къватIире рачIине, амма гьел разилъичIин, гьеб мехалда жал кьвагьдезе кканин гьезде. «Дружба» абураб мухъалда бугеб щутIалаяб мина сверун ккун букIана 4 октябралъул сардилъго.
Буйнакскиялдаса ГIайшат: «Дир рукъалда аскIоб буго гьеб. Къаси кIиго тIубараб мехалда бахъана кутакаб кьвагьи. Гьеб мехалда рагIана 14 абилеб минаялда жанир вагьабиял ругин, сверун ккун бугин полициялъ гьеб минагиян… Гьазги кьвагьулеб буго, дозги кьвагьулеб буго… Гьениб аскIоб тукен буго. Гьеб тукада хIалтIулел рукIарал васал ругила гьел, лъиениги зарал бугел васалги рукIинчIилан абулеб буго цояз. Цогидаз абулеб буго гьезул бухьен букIун бугила рохьилаздехун. Гьеб минаялда аскIоб 4 абилеб школаги буго, нухдехун ккараб бакI буго… Гьеб школалда чи гьечIо. Гьениб гIагарда бугеб кIиабилеб школаги къан буго. Сверун ккураб рокъоса киналго гIадамалги къватIире рахъинарун руго. Радал микьгоялда школалдеги ун, нахъе вачIунев васас абуна, бабайила, балконалдасаги кьвагьулеб букIанила гъоз. Гьеб къотIнор гIумру гьабулел гIадамазда гьоркьор гIемер чи вуго «магжилазул».
Буйнакскиялдагун Гъизилюрталда гьоркьоб бугеб шагьранухдаги ккана чIвай-хъвей. Хасаб хъулухъалъулги полициялъулги хIалтIухъабаз Джип «Мерседес» чIезабулеб букIун буго документазул хал гьабизе. Гьеб мехалда гьенисан полициялде кьвагьдезе лъугьанин бицунеб буго жанисел ишазул министерлъиялъул пресс-хъулухъалъ. Гьедин данде речIчIун джипалда жанир рукIарал ункъоял чIван руго.
Джипалъур чIварал ункъоязул цояв ватун вуго цеве полициялда хIалтIулев вукIарав ГIалиев Сидикъ. Терроралда данде чIараб миллияб комитеталъ лъазабулеб буго полиициялдаса нахъе рехун вукIанин гьев. Гьединго ГIалиев Сидикъица кванил нигIматал раччун, жанир чIезе бакIал кьун, къваригIаралъуре раччун кумек гьабулеб букIун бугин изну гьечIого яргъид гIуцIаразе. ТIаса лъугьинги гьарун 2006 соналда вачIун вукIанин гьев Хасавюрталъул полициялде, кодоб букIараб таманчаги кьунин. Амма гьелдаса хадубги изну гьечIого яргъид гIуцIаразе квербакъи гьабулеб гIамал тун гьечIинха гьес.
Гьев ГIалиев Сидикъида цадахъ джипалъув чIварав цогидасул цIар Шабагиев ГъазимухIамад букIаниланги бицунеб буго терроралда данде чIараб миллияб комитеталъ. Гьесулги 20 гIан соналъ букIун бугила изну гьечIого яргъид гIуцIаразулгун бухьен. КIудияб къадаралда ярагъ босулев ватун 2007 соналда ккун вукIун вуго гьев. Гьедин ункъо соналъ туснахъ гьавизе хIукмуялда рекъон жанив тIамун вукIарав Шабагиев кIиго соналдасан виччан вуго къватIиве.
Низам цIунулез абулеб буго гьеб джипалъуб жидеда ярагъги кьвагьулел алаталги ратанила, гьединлъидал гьеб нахъе босулаго чиясе къварилъи ккезе гурилан, гьез джип гьеб бакIалдаго кьвагьизабуна.
Гьеб хIужа ккаралъуса гIемер рикIкIад гьечIеб Буйнакск шагьаралда полициялъул минаялъул гордухъанги рехун бачIун буго рокъосел шартIазда гьабураб граната. Гьедин лъукъа-къотIарав полициялъул кIиго хIалтIухъан азарханаялде хъамун вуго.
Терроралда данде чIараб комитеталъул вакилзабаз абулеб буго жидеца гьел лъабазего рес кьолеб букIанин гьел жанир рахчараб щутIалаяб минаялъуса къватIире рачIине, амма гьел разилъичIин, гьеб мехалда жал кьвагьдезе кканин гьезде. «Дружба» абураб мухъалда бугеб щутIалаяб мина сверун ккун букIана 4 октябралъул сардилъго.
Буйнакскиялдаса ГIайшат: «Дир рукъалда аскIоб буго гьеб. Къаси кIиго тIубараб мехалда бахъана кутакаб кьвагьи. Гьеб мехалда рагIана 14 абилеб минаялда жанир вагьабиял ругин, сверун ккун бугин полициялъ гьеб минагиян… Гьазги кьвагьулеб буго, дозги кьвагьулеб буго… Гьениб аскIоб тукен буго. Гьеб тукада хIалтIулел рукIарал васал ругила гьел, лъиениги зарал бугел васалги рукIинчIилан абулеб буго цояз. Цогидаз абулеб буго гьезул бухьен букIун бугила рохьилаздехун. Гьеб минаялда аскIоб 4 абилеб школаги буго, нухдехун ккараб бакI буго… Гьеб школалда чи гьечIо. Гьениб гIагарда бугеб кIиабилеб школаги къан буго. Сверун ккураб рокъоса киналго гIадамалги къватIире рахъинарун руго. Радал микьгоялда школалдеги ун, нахъе вачIунев васас абуна, бабайила, балконалдасаги кьвагьулеб букIанила гъоз. Гьеб къотIнор гIумру гьабулел гIадамазда гьоркьор гIемер чи вуго «магжилазул».
Буйнакскиялдагун Гъизилюрталда гьоркьоб бугеб шагьранухдаги ккана чIвай-хъвей. Хасаб хъулухъалъулги полициялъулги хIалтIухъабаз Джип «Мерседес» чIезабулеб букIун буго документазул хал гьабизе. Гьеб мехалда гьенисан полициялде кьвагьдезе лъугьанин бицунеб буго жанисел ишазул министерлъиялъул пресс-хъулухъалъ. Гьедин данде речIчIун джипалда жанир рукIарал ункъоял чIван руго.
Джипалъур чIварал ункъоязул цояв ватун вуго цеве полициялда хIалтIулев вукIарав ГIалиев Сидикъ. Терроралда данде чIараб миллияб комитеталъ лъазабулеб буго полиициялдаса нахъе рехун вукIанин гьев. Гьединго ГIалиев Сидикъица кванил нигIматал раччун, жанир чIезе бакIал кьун, къваригIаралъуре раччун кумек гьабулеб букIун бугин изну гьечIого яргъид гIуцIаразе. ТIаса лъугьинги гьарун 2006 соналда вачIун вукIанин гьев Хасавюрталъул полициялде, кодоб букIараб таманчаги кьунин. Амма гьелдаса хадубги изну гьечIого яргъид гIуцIаразе квербакъи гьабулеб гIамал тун гьечIинха гьес.
Гьев ГIалиев Сидикъида цадахъ джипалъув чIварав цогидасул цIар Шабагиев ГъазимухIамад букIаниланги бицунеб буго терроралда данде чIараб миллияб комитеталъ. Гьесулги 20 гIан соналъ букIун бугила изну гьечIого яргъид гIуцIаразулгун бухьен. КIудияб къадаралда ярагъ босулев ватун 2007 соналда ккун вукIун вуго гьев. Гьедин ункъо соналъ туснахъ гьавизе хIукмуялда рекъон жанив тIамун вукIарав Шабагиев кIиго соналдасан виччан вуго къватIиве.
Низам цIунулез абулеб буго гьеб джипалъуб жидеда ярагъги кьвагьулел алаталги ратанила, гьединлъидал гьеб нахъе босулаго чиясе къварилъи ккезе гурилан, гьез джип гьеб бакIалдаго кьвагьизабуна.
Гьеб хIужа ккаралъуса гIемер рикIкIад гьечIеб Буйнакск шагьаралда полициялъул минаялъул гордухъанги рехун бачIун буго рокъосел шартIазда гьабураб граната. Гьедин лъукъа-къотIарав полициялъул кIиго хIалтIухъан азарханаялде хъамун вуго.
