Краснодар икълималда ккараб тIабигIияб балагьалъул хIасилалда гIумруялдаса ватIалъана 171 чи. Гьезда гьоркьоса къогогIанасев чи щив ва киса кколевали жеги лъазабизе кIвечIо. Гьадин лъазабуна Россиялъул Федерациялъул Жанисел ишазул министерлъиялда.
МахIачхъалаялдаги гIемерав чияс босун бачIунеб букIана Кубаналде битIизелъун хинаб ретIел-хьитги кванил нигIматалги. Гьединалго акциял тIоритIулел руго Дагъистаналъул цогидал шагьараздагун мухъаздаги, - ян бицана гьеб акциялъул гIахьалчIужу, журналист КъурбангIалиева Марьямица.
КъурбангIалиева Марьям: «Балагь нилъеда гьикъун бачIунарин абула. Гьединлъидал, гьелъ бокьараб мехалда кьабгIи щвезабизе рес буго нилъер бокьарав чиясда. Гьединаб мехалда цоцазе хIалае ва кумекалъе ратизе хIадурал гIадамал рукIин лъикIаб иш буго.
ХIакъикъаталдаги, гIемерав чияс лъазабулеб буго Кубаналда ругезе кумек гьабизе жал хIадур ругин, данде гьабулеб буго ретIел-хьит ва цогидабги хIажатаб къайи. Кумекалъулаб квер бегьизе хIадурал рукIиналъул лъазабиял рачIунел руго цогидал бакIаздасаги, ай хIатта росабалъагицин.
Жидерго ахирисеб гурде кьезеги хIадурал гIадамал нилъеда гьоркьор рукIиналдаса цIакъ йохарай йиго дунги. Амма гIадамазул кумекалде ккун теларин ккола дида нилъер хIукуматалъ балагьалде ккарал. Бокьилаан гьединал балагьазде хIадурго рукIунедухъ пачалихъалъ киса-кибего хIалтIи гIуцIизе. Нилъеда лъаларелъулха метерисеб къоялъ балагь кибе ва лъил рокъобе бачIине бугебали».
Лъалеб букIахъе, Кубаналъул мухъалде рарал хехал чваххунцIадазул хIасилалда лъеца кIудияб зарал гьабуна Геленджик, Крымск, Новороссийск гIадал шагьаразе ва цо-цо росабазе. ЦохIо Крымскалъул мухъалда 24 азарго чи хутIана жанире руссине рукъзалги гьечIогоян лъазабуна Россиялъул президент Владимир Путинилгун букIараб дандчIваялда Краснодар икълималъул губернатор Ткачев Александрийица.
Лъим кIанцIиялъул хIасилалда гьеб икълималда гIемерав чи гIумруялдаса ватIалъиялда бан, ичIабилеб июль Россиялда лъазабун букlана чIегIербараб къолъун.
Россиялъул ГIорхъолъа рорчIарал ахIвал-хIалазул министерлъиялъул (МЧС) баяназда рекъон, лъеца гъанкъун рагIула щуазаргоялдасаги цIикIкIун мина-карт, кIудияб зарал ккун буго нухазе, кьоязе ва хасго бекьулеб ракьалъе.
Эркенлъи Радиоялъул радиоялъул гIурус хъулухъалъул хасав мухбир Шакиров Муминица бицухъе, Крымскалъул мухъалде реххун рагIула гIемераб техника, чадралги чIван гIадамазе гьабулеб бугила кумек.
Шакиров Мумин: «Пачалихъалда божун чIечIого гIадамаз жидецаго хIаракат бахъулеб буго лъеца босун бачIараб кьищни-къулалдаса ва чороклъиялдаса жидерго минаби рацIцIад гьаризе. Гьединго, тIалъиялда ругелги хасаб техникаги бачIинегIан кIудияб кумек гьабуна аскIоса гIебеде ругел шагьараздагун росабалъ гIумру гьабун ругел гIадамаз. Гьез бачIунеб букIана кванил нигIматал, ретIел-хьит, дараби, гьекъолеб лъим. Гьедин кумек гьабулезул къадар чанго азарго чиясде бахунеб букIана».
ХIукуматалъ къварилъиялде ккарал рехун тезе гьечIолъиялъул бицана тIабигIияб балагь ккаралъуве щвезе вачIарав президент Путиница. Краснодаралъулаб икълималъул губернатор Ткачевасулгун букIараб дандчIваялда гьес лъазабуна къварилъи ккарав щивасе бакIалъулаб бюджеталдаса 50 азарго ва федералияб бюджеталдаса 100 азарго гъурущ кьезе бугилан. Гьайгьай, гьеб гIарцуца зарал бецIиларо. Амма гьелдалъун гьабулеб кумекги лъугIизе батиларин абураб хьул гьабулеб буго гIадамазги.
Крымск шагьаралъул ва мухъалъул нухмалъулел хIалтIудаса эркен гьаруна Краснодар икълималъул губернатор Александр Ткачевасул буюрухъалдалъун. Гьелъие гIиллалъун бихьизабулеб буго лъим кIанцIилалде лъабго сагIаталъ цебе гьединаб балагь ккезе рес букIиналъул лъазабун букIаниги, гьеб шагьаралъул ва мухъалъул нухмалъулез тIадаб хIалтIи гьабун гьечIолъи.
МахIачхъалаялдаги гIемерав чияс босун бачIунеб букIана Кубаналде битIизелъун хинаб ретIел-хьитги кванил нигIматалги. Гьединалго акциял тIоритIулел руго Дагъистаналъул цогидал шагьараздагун мухъаздаги, - ян бицана гьеб акциялъул гIахьалчIужу, журналист КъурбангIалиева Марьямица.
КъурбангIалиева Марьям: «Балагь нилъеда гьикъун бачIунарин абула. Гьединлъидал, гьелъ бокьараб мехалда кьабгIи щвезабизе рес буго нилъер бокьарав чиясда. Гьединаб мехалда цоцазе хIалае ва кумекалъе ратизе хIадурал гIадамал рукIин лъикIаб иш буго.
ХIакъикъаталдаги, гIемерав чияс лъазабулеб буго Кубаналда ругезе кумек гьабизе жал хIадур ругин, данде гьабулеб буго ретIел-хьит ва цогидабги хIажатаб къайи. Кумекалъулаб квер бегьизе хIадурал рукIиналъул лъазабиял рачIунел руго цогидал бакIаздасаги, ай хIатта росабалъагицин.
Жидерго ахирисеб гурде кьезеги хIадурал гIадамал нилъеда гьоркьор рукIиналдаса цIакъ йохарай йиго дунги. Амма гIадамазул кумекалде ккун теларин ккола дида нилъер хIукуматалъ балагьалде ккарал. Бокьилаан гьединал балагьазде хIадурго рукIунедухъ пачалихъалъ киса-кибего хIалтIи гIуцIизе. Нилъеда лъаларелъулха метерисеб къоялъ балагь кибе ва лъил рокъобе бачIине бугебали».
Лъалеб букIахъе, Кубаналъул мухъалде рарал хехал чваххунцIадазул хIасилалда лъеца кIудияб зарал гьабуна Геленджик, Крымск, Новороссийск гIадал шагьаразе ва цо-цо росабазе. ЦохIо Крымскалъул мухъалда 24 азарго чи хутIана жанире руссине рукъзалги гьечIогоян лъазабуна Россиялъул президент Владимир Путинилгун букIараб дандчIваялда Краснодар икълималъул губернатор Ткачев Александрийица.
Лъим кIанцIиялъул хIасилалда гьеб икълималда гIемерав чи гIумруялдаса ватIалъиялда бан, ичIабилеб июль Россиялда лъазабун букlана чIегIербараб къолъун.
Россиялъул ГIорхъолъа рорчIарал ахIвал-хIалазул министерлъиялъул (МЧС) баяназда рекъон, лъеца гъанкъун рагIула щуазаргоялдасаги цIикIкIун мина-карт, кIудияб зарал ккун буго нухазе, кьоязе ва хасго бекьулеб ракьалъе.
Эркенлъи Радиоялъул радиоялъул гIурус хъулухъалъул хасав мухбир Шакиров Муминица бицухъе, Крымскалъул мухъалде реххун рагIула гIемераб техника, чадралги чIван гIадамазе гьабулеб бугила кумек.
Шакиров Мумин: «Пачалихъалда божун чIечIого гIадамаз жидецаго хIаракат бахъулеб буго лъеца босун бачIараб кьищни-къулалдаса ва чороклъиялдаса жидерго минаби рацIцIад гьаризе. Гьединго, тIалъиялда ругелги хасаб техникаги бачIинегIан кIудияб кумек гьабуна аскIоса гIебеде ругел шагьараздагун росабалъ гIумру гьабун ругел гIадамаз. Гьез бачIунеб букIана кванил нигIматал, ретIел-хьит, дараби, гьекъолеб лъим. Гьедин кумек гьабулезул къадар чанго азарго чиясде бахунеб букIана».
ХIукуматалъ къварилъиялде ккарал рехун тезе гьечIолъиялъул бицана тIабигIияб балагь ккаралъуве щвезе вачIарав президент Путиница. Краснодаралъулаб икълималъул губернатор Ткачевасулгун букIараб дандчIваялда гьес лъазабуна къварилъи ккарав щивасе бакIалъулаб бюджеталдаса 50 азарго ва федералияб бюджеталдаса 100 азарго гъурущ кьезе бугилан. Гьайгьай, гьеб гIарцуца зарал бецIиларо. Амма гьелдалъун гьабулеб кумекги лъугIизе батиларин абураб хьул гьабулеб буго гIадамазги.
Крымск шагьаралъул ва мухъалъул нухмалъулел хIалтIудаса эркен гьаруна Краснодар икълималъул губернатор Александр Ткачевасул буюрухъалдалъун. Гьелъие гIиллалъун бихьизабулеб буго лъим кIанцIилалде лъабго сагIаталъ цебе гьединаб балагь ккезе рес букIиналъул лъазабун букIаниги, гьеб шагьаралъул ва мухъалъул нухмалъулез тIадаб хIалтIи гьабун гьечIолъи.
