Багъададалъул рестораназда бинго хІалезул ва интеллектуалазул клубазде хьвадулезул пикруцин баккулароан цебе-цебе жал рухине бегьиялъул. Амма гьанже гьел бакІазда гьединаб хІужжа загьирлъун буго. Гьелъие гІиллалъун гІемерисезда бихьулеб буго, гьениб алкоголь бичулеб букІин.
4 сентябралда хІинкъигьечІолъиялъул идараялъул хІалтІухъаби щун руго анцІгогІан бакІалде – алкоголь бичулел тукабаздаса байбихьун баразде щвезегІан. Гьел нахъе ун хадуб, гьенир хутІана рек-рекизарурал шушби, рухарал ричарухъаби ва дармил бакІазул бетІергьаби. Гьединаб хІужжабаз раккизарулел руго, ГІиракъ исламияб пачалихъалдеххун буссунеб букІиналъул ишараби ругин абурал пикраби.
Гьединал рейдал гьарулел къокъабазул гІахьалчагІаз лъазабулеб буго, гьел бакІазда алкоголь къануналде данде кколареб къагІидаялда бичулеб букІанин. Амма жалго тукабазул бетІергьабаз абулеб буго, жидер ругила киналго сертификаталги, къваригІунел цогидал документталгиян.
Гьединаб лъугьа-бахъин ккараб бакІазул цояб ккола ГІиракъалъул хъвадарухъабазул цолъиялъул Киноялъул клуб. Гьенире хІинкъигьечІолъиялъул идараялъул хІалтІухъаби рачІун руго маркІачІуда, сагІат микьгоялда. Гьел ахІдолаго, семулаго, рухун руго гІадамал. . 300-гІанав чи жанив вукІараб бакІалда паника багъарун буго.
ГІабдул Рида Шамари ккола соназда вугев чи. ГІадамаз къватІибе нух бахъулеб мехалда багъарун буго паника. Гьеб нуцІбизда аскІове щолеб мехалда гьесул бох бекизабун буго
ГІабдул Рида Шамари: «Дир хІетІе бекизабуна. 40-гІанав рагъулав кІанцІана жаниве. ТІоцебени нижеда бичІунебцин букІинчІо, гьел террористалищ яги пачалихъалъул къуватазул чагІийщ ругелали. Гьез винтовкабаз, кабелаз ва электрикиял квараз рухенел рукІана, ниж тушбаби ругелгІадин. Амма Киноялъул клубалде хьвадулел ккола киназго жидер адаб гьабулел чагІи, интеллектуалал.»
Гьел рейдал тІоритІун руго бусурбабазги христианазги цадахъ гІумру гьабулел Багъдадалъул Карада ва Арасат абурал мадугьалихъал мухъазда. ГІиракъалъул къануназда рекъон, тукабазда ва клубазда алкоголь бичиялъе рес кьолеб сертификатал кьола гІицІго христианазе яги ислам тун цогидал диназул вакильзабазе. Амма гьел бакІазде бокьаразул буго ихтияр хьвадизе.
СагІад Яссеница абулеб буго жив вугила езидав. Гьеб ккола гІадатиял курдазулги, мажусазулги, зараостризмалъулги, исламалъул суфиязулги гІадатал цадахъго билъанхъизабулеб умма. Гьесул рагІабазда, гьеб рейд байбихьараб мехалда, І50-гІанав чияс хІалеб букІун буго бинго.
СагІад Ясен: «Гьеб клуб хІалтІизабиялъе лицензия нижее кьун букІана 2009 соналдаго. Щайгурелъул ниже, езидазе официалияб ихтияр бугелъул алгоголь бичизе. ХІинкъигьечІолъиялъул къватазул хІалтІухъаби рачІун, кинабго жо кІалагъоркье сверизабуна, ниж рухана, нижер хІалтІухъаби рухана. ВукІана ярагъгун 25 солдат. Гьез клиетал тункун, хъундагъал, танчил гІоркьал кьабун, гІодоре ккезарулел рукІана»
Гьесулго рагІабазда, соладатаз гьесде лъазабун буго, битІараб хІалтІуде вуссун, алкоголь бичи теян.
Амма мухІканго щал рагъулал гьел рукІаралали лъалеб гьечІо. Информациялъул алатазе хІинкъигьечІолъиялъул идарабазул цо-цо вакильзабаз абулеб рагІуна, гьел кколин премьер-министр Нури аль-Маликил канцеляриялъул генерал Фарук аль-Араджил нухмалъиялда гъоркь бугеб хасал операцияби тІоритІулел бутІаялъул рагъулалин.
ХІукматалъ кинабгІаги официалияб лъазаби гьабун гьечІо.
Багъдадалда алкоголь бичулел тукабазде тІадекІанцІиял гьединго гьабулел рагІуна, Аль Каидаялде хурхен бугел яргъид гІуцІаразги. Амма 4 сентябралда ккараб лъугьа-бахъиналъе къимат кьолез гьеб риккунеб буго политикияб акциялъун. ГІиракъалъул хІукуматалда бищунго кІудияб буго шиитазул партиязул вакильзабазул къокъа. Гьезин абуни динияб хазинабазде кІвар буссинабун, цадахъго гІамал гьабулеб буго алкоголь бичи гьукъизе.
Цо-цо экспертаз риккунеб буго гьел рейдал кколин гьанже ругел къануназде балагьичІого, ГІиракъ фундаменталистияб исламалъул нухалде хъуштІулеб букІиналъул ишараян. Суннитазул динияв хІаракатчи Шайих Халед Аль-Мулла риккунеб буго, гьединал рейдал гьариялъе букІине кколин диваналъул хІукмуян.
Шайих Халед Аль-Мулла: «Нилъ исламияб пачалихъ кколаро. ГІиракъалъул система гьечІо гІицІго исламияб кьучІода. Нилъер руго исламиял партияби, халкъги аслияб къагІидаялда бусурбанаб буго. Амма нилъер руго гІисинал халкъалги. Нилъеца гьезулги адаб гьабизе ккола. Нилъеца гьел рейдал гьаризе кколел ратани, гьел гьарулел къагІидаби гьединал рукІине бегьуларо.»
4 сентябралда хІинкъигьечІолъиялъул идараялъул хІалтІухъаби щун руго анцІгогІан бакІалде – алкоголь бичулел тукабаздаса байбихьун баразде щвезегІан. Гьел нахъе ун хадуб, гьенир хутІана рек-рекизарурал шушби, рухарал ричарухъаби ва дармил бакІазул бетІергьаби. Гьединаб хІужжабаз раккизарулел руго, ГІиракъ исламияб пачалихъалдеххун буссунеб букІиналъул ишараби ругин абурал пикраби.
Гьединал рейдал гьарулел къокъабазул гІахьалчагІаз лъазабулеб буго, гьел бакІазда алкоголь къануналде данде кколареб къагІидаялда бичулеб букІанин. Амма жалго тукабазул бетІергьабаз абулеб буго, жидер ругила киналго сертификаталги, къваригІунел цогидал документталгиян.
Гьединаб лъугьа-бахъин ккараб бакІазул цояб ккола ГІиракъалъул хъвадарухъабазул цолъиялъул Киноялъул клуб. Гьенире хІинкъигьечІолъиялъул идараялъул хІалтІухъаби рачІун руго маркІачІуда, сагІат микьгоялда. Гьел ахІдолаго, семулаго, рухун руго гІадамал. . 300-гІанав чи жанив вукІараб бакІалда паника багъарун буго.
ГІабдул Рида Шамари ккола соназда вугев чи. ГІадамаз къватІибе нух бахъулеб мехалда багъарун буго паника. Гьеб нуцІбизда аскІове щолеб мехалда гьесул бох бекизабун буго
ГІабдул Рида Шамари: «Дир хІетІе бекизабуна. 40-гІанав рагъулав кІанцІана жаниве. ТІоцебени нижеда бичІунебцин букІинчІо, гьел террористалищ яги пачалихъалъул къуватазул чагІийщ ругелали. Гьез винтовкабаз, кабелаз ва электрикиял квараз рухенел рукІана, ниж тушбаби ругелгІадин. Амма Киноялъул клубалде хьвадулел ккола киназго жидер адаб гьабулел чагІи, интеллектуалал.»
Гьел рейдал тІоритІун руго бусурбабазги христианазги цадахъ гІумру гьабулел Багъдадалъул Карада ва Арасат абурал мадугьалихъал мухъазда. ГІиракъалъул къануназда рекъон, тукабазда ва клубазда алкоголь бичиялъе рес кьолеб сертификатал кьола гІицІго христианазе яги ислам тун цогидал диназул вакильзабазе. Амма гьел бакІазде бокьаразул буго ихтияр хьвадизе.
СагІад Яссеница абулеб буго жив вугила езидав. Гьеб ккола гІадатиял курдазулги, мажусазулги, зараостризмалъулги, исламалъул суфиязулги гІадатал цадахъго билъанхъизабулеб умма. Гьесул рагІабазда, гьеб рейд байбихьараб мехалда, І50-гІанав чияс хІалеб букІун буго бинго.
СагІад Ясен: «Гьеб клуб хІалтІизабиялъе лицензия нижее кьун букІана 2009 соналдаго. Щайгурелъул ниже, езидазе официалияб ихтияр бугелъул алгоголь бичизе. ХІинкъигьечІолъиялъул къватазул хІалтІухъаби рачІун, кинабго жо кІалагъоркье сверизабуна, ниж рухана, нижер хІалтІухъаби рухана. ВукІана ярагъгун 25 солдат. Гьез клиетал тункун, хъундагъал, танчил гІоркьал кьабун, гІодоре ккезарулел рукІана»
Гьесулго рагІабазда, соладатаз гьесде лъазабун буго, битІараб хІалтІуде вуссун, алкоголь бичи теян.
Амма мухІканго щал рагъулал гьел рукІаралали лъалеб гьечІо. Информациялъул алатазе хІинкъигьечІолъиялъул идарабазул цо-цо вакильзабаз абулеб рагІуна, гьел кколин премьер-министр Нури аль-Маликил канцеляриялъул генерал Фарук аль-Араджил нухмалъиялда гъоркь бугеб хасал операцияби тІоритІулел бутІаялъул рагъулалин.
ХІукматалъ кинабгІаги официалияб лъазаби гьабун гьечІо.
Багъдадалда алкоголь бичулел тукабазде тІадекІанцІиял гьединго гьабулел рагІуна, Аль Каидаялде хурхен бугел яргъид гІуцІаразги. Амма 4 сентябралда ккараб лъугьа-бахъиналъе къимат кьолез гьеб риккунеб буго политикияб акциялъун. ГІиракъалъул хІукуматалда бищунго кІудияб буго шиитазул партиязул вакильзабазул къокъа. Гьезин абуни динияб хазинабазде кІвар буссинабун, цадахъго гІамал гьабулеб буго алкоголь бичи гьукъизе.
Цо-цо экспертаз риккунеб буго гьел рейдал кколин гьанже ругел къануназде балагьичІого, ГІиракъ фундаменталистияб исламалъул нухалде хъуштІулеб букІиналъул ишараян. Суннитазул динияв хІаракатчи Шайих Халед Аль-Мулла риккунеб буго, гьединал рейдал гьариялъе букІине кколин диваналъул хІукмуян.
Шайих Халед Аль-Мулла: «Нилъ исламияб пачалихъ кколаро. ГІиракъалъул система гьечІо гІицІго исламияб кьучІода. Нилъер руго исламиял партияби, халкъги аслияб къагІидаялда бусурбанаб буго. Амма нилъер руго гІисинал халкъалги. Нилъеца гьезулги адаб гьабизе ккола. Нилъеца гьел рейдал гьаризе кколел ратани, гьел гьарулел къагІидаби гьединал рукІине бегьуларо.»
