2016-леб соналда Америкаялъул Цолъарал Штатазда тIоритIине ругел президентасул рищиязда гIахьаллъи гьабизехъин йиго Хиллари Клинтон. Юристлъун ва ихтиярал цIуниялъул профессорлъун йикIарай Хиллари ХъахIаб рукъалде ккана 1993 соналда – гьеб мехалда гьелъул рос Билл Клинтон вахъана штатазул президентлъун. Нью-Йорк штаталдаса сенаторлъун йикIана гьей ва 2008-леб соналда тIоритIарал президентасул рищиязда гIахьаллъана (амма бергьана доб мехалда Барак Обама). Обамаца пачалихъияй секретарлъун йосана Клинтон. ГIумруялдехун ва политикаялдехун Клинтонил кинал бербалагьиял рукIарали рехсон буго гьаб фотогалереялда.
Президентлъиялде хьул лъурай Хиллари Клинтон
1
Хиллари ва Билл Клинтонал президентасул рищиязул кампаниялда, 1992 сон. Гьеб мехалда Клинтон Арканзас штаталъул нухмалъулевлъун вукIана ва улкаялъул президентлъун вахъана хадусеб соналда.
2
Уэллсли колледж лъугьарал цадахъцIалулел рукIаралгун, 1992 сон. Колледжалда Клинтон йикIана студентазул шураялъул президентлъун. Колледж лъугIизабун хадуб гьей цIалана Йель университеталъул юридикияб факультеталда.
3
Рос президентлъун вахъараб мехалда бахъараб официалияб сурат. 21 январь 1993 сон.
4
КIиабилеб нухалда президентлъун вахъарав Билл Клинтон воххулев вуго Хилларигун ва гьезул яс Челсигун цадахъ. 20 январь 1997 сон.
5
Лъимал цIуниялъул конференциялда кIалъалей йиго Хиллари Клинтон. Президентасул чIужулъун йигей мехалда сахлъи цIуниялъул система хисиялда тIад хIалтIулей йикIана гьей.
6
Нью-Йорк штаталдаса сенаторлъун Клинтон яхъана 200-леб соналъул 7 ноябралда. 2006-леб соналда гьебго штаталдаса сенаторлъун яхъана гьей.
7
Демократазул партиялдаса президентасул рищиязда рихьизарун рукIана кIиго кандидат – Клинтон ва Обама.
8
Обама президентлъун вахъарав мехалда гьес Клинтон хIалтIуда йосана пачалихъияй секретарь хIисабалда. Сураталда: 2009-леб соналъул 2 февраль, Клинтоналъ гьа балеб буго.
9
СШАялъул пачалихъияб департаменталде гьоболлъухъ ячIарай Германиялъул канцлер Ангела Меркельгун. 2011-леб соналъул 7 июнь.
10
Ливиялъул Триполиялде боржун унеб самолеталда, 2011-леб соналъул октябрь. Хадусеб соналда Ливиялда ккарал рагъулал рагъа-рачариязда хвана ункъго америкалъулав. Гьеб лъугьа-бахъи сабаблъун Клинтонида чIвалел рукIана гIайибал, гьелъул политика сабаблъун ккараб жо бугиланги абун.
11
Африкаялда бугеб Малави улкаялде щварай Клинтоние гьабураб сайгъат. Гьеб улкаялде букIараб сапаралъул бицунаго Клинтоница абуна СШАялдехун дуниялалда бугеб бербалагьи хисизабизе кколин, щайгурелъул улка экономиябгун-политикияб кризисалъ ккураблъун бихьулеб бугин, гьединго улкаялъул къватIисеб политика бичIчIуларел гIемерлъулел ругин.
12
Нельсон Манделасухъе гьоболлъухъе щварай мехалда бахъараб сурат. 2012-леб соналъул 6 август.
13
Владивостокалда тIобитIараб АПЭКалъул саммиталда Владимир Путингун дандчIвай, 2012-леб соналъул 8 сентябрь. 2013-леб соналъул февралалда Клинтон клинтон секретаралъул хъулухъалдаса яхъана.
14
Клинтонил видеохитIабалдаса сурат. Гьеб видеоялда гьелъ бицунеб буго 2016-леб соналда тIоритIине ругел рищиязда гIахьаллъизе йигилан жий.