ГIагараб улкаялдаса пуланаб заманаялъ рикIкIад чIезе ракIалда батаниги Гарри Каспаровасда Россиялъул политикаялдаса рикIкIад чIезе гьесда ракIалда гьечIо.
Шахматазул гроссмейстер рагIабазда барахщунев вукIинчIо президент Владимир Путинил режималъул «гитлерилаб хасият» бугин абулеб мехалда.
Гарри Каспаров: «Жакъа диванханабаз цо куцалда жанисан рахъулел гIадин къотIулел руго хIукмуял. Полициялъул тIалъиялъ кьолел руго гIадамал рухулаго майданаздаса нахъе хъамизе ва жанир тIамизе буюриял. БакIазда ругел губернаторазда кIолеб буго жидерго рекIее бокьа-бокьараб гьабизе. Жидехъе нухмалъи гьабизе кьурал ракьазда гьединаб къуват буго гьезул».
Эркенлъи Радиоялъул гIурус хъулухъалъе Каспаровас гьедино абуна Россиялде тIадвуссунев гьечIев гIанасеб заманалда жинда ракIалда бугин, 20I2 соналда Америкалъ къабул гьабураб Магнитскиясул сияхIалда релъинабун Россиялъул тIадегIанал хъулухъчагIазде данде санкциял гьариялде Европаялъул улкаби гьесизаризейин.
Адвокат Магнистский Москваялъул цIех-рехалъул изоляторалда тIамун вукIана улкалъул тIадегIанал хъулухъазда ругел гIадамаз макъалоял кьеялдаса рорчIизелъун гьарурал фальсификациял тIатинарун хадуб. Амма унтарав гьесие кколеб медикияб кумек гьабичIого 2009 соналда гьев гьенив хун вукIана.
Каспаровас абулеб буго санкциязда гурони бажаризе гьечIин Россиялъул нухмалъиялда бугеб элитаялъ гьабулеб бугелде кIвар буссинабизейин.
Гарри Каспаров: «Гьезул ишазде балагьун гьезие тамихI гьабулеб бугони, масала, Европалде рачIине гьукъани яги жидеца Россиялда бикъа-хъамуралдаса Европалда пайда босизе гьезда течIони-гьеб мехалда россиялъул тIалъиялда бугеб элита цIунулев чи хIисабалда Путинил кинабгIаги кIвар букIине гьечIо».
Гьес гьединго тIаде жубана жинца бицунеб бугелъулцин гIемерго кIудияб пайда букIине гьечIин, щайгурелъул жинда лъалин гьединал санкция гьариларедухъ яги гьезде дандечIезелъун Кремлалъ хIалтIизарулел механизмалин.
Гарри Каспаров: «Путиница цIакъ лъикI лъала санкциязул бугеб хIинкъи, гьединлъидал гьанже Россиялъул тIолабго дипломатия ва къватIисел улкабазда ругел Россиялъул лобистал тIамун руго Магнитскиясул къануналде данде тадбирал тIоритIизе».
«The New Times» газетаялъ гьаб анкьалда къватIибе кьураб интервьюялда Каспаровас абулеб буго Россиялдаса гьев нахъе иналде цебе ЦIех-рехалъул комитеталъул чагIаз кIиго нухалда телефоналъ ахIун букIанин жиндир эбелалъухъе жив вугев бакI цIехонин.
Каспаровас абулеб буго жиндир ракI чIараб бугин жиндаги оппозиционияб Координационияб Шураялъул цоги гIахьалчагIаздаги политикияб мотивация бугеб хадубчIей гьабулеб букIиналда, гьебги гьез Магнисткисясул къануналъул рахъ кколеб букIиналъ. Гьединлъидал гьез ахIулел руго ЦIех-рехалъул комитеталъул нухмалъулев Александр Бастрыкинги гьеб санкциязул сияхIалде восейин.
Апрелалда 50 сон тIубарав Каспаровасда лъала Москваялъе рекIее гIоларел жал гьаризе Европаялъул улкаби тIами бигьаяб масъала гьечIолъи. Гьесда кколеб буго Магнитскиясул къануналде данде Кремлалъ комментариязулъ ва ишазулъ бихьизабулеб кьварараб стратегия гьеб аслияб къагIидаялда Европаялъул хIукуматал хIинкъизаризелъун гьарулел жал ругин. Каспаровасул пикруялда Европаялъул улкабазеги ликI букIинаан гьезул жидер-жидерги Магнитскиясул къанун букIарабани.
Магнитсикиясул къануналъе жаваб хIисабалда Москваялъ гьукъана Америкалъул гражданазе Россиялдаса лъимал хьихьизе рачине.
Амма гроссмейстерас абулеб буго хIай лъугIун гьечIин ва букIиниселда гьесул хьул кIудияб буго.
Гарри Каспаров: «Дида ккола гIагараб заманалда Европалъул цо яги чанго улкаялъ Магнитскиясул къануналда тIад хIалтIи байбихьизе бугин. Гьедин ракIалде ккезе кьучIал баяналги руго».
Валентин Барышников
Шахматазул гроссмейстер рагIабазда барахщунев вукIинчIо президент Владимир Путинил режималъул «гитлерилаб хасият» бугин абулеб мехалда.
Гарри Каспаров: «Жакъа диванханабаз цо куцалда жанисан рахъулел гIадин къотIулел руго хIукмуял. Полициялъул тIалъиялъ кьолел руго гIадамал рухулаго майданаздаса нахъе хъамизе ва жанир тIамизе буюриял. БакIазда ругел губернаторазда кIолеб буго жидерго рекIее бокьа-бокьараб гьабизе. Жидехъе нухмалъи гьабизе кьурал ракьазда гьединаб къуват буго гьезул».
Эркенлъи Радиоялъул гIурус хъулухъалъе Каспаровас гьедино абуна Россиялде тIадвуссунев гьечIев гIанасеб заманалда жинда ракIалда бугин, 20I2 соналда Америкалъ къабул гьабураб Магнитскиясул сияхIалда релъинабун Россиялъул тIадегIанал хъулухъчагIазде данде санкциял гьариялде Европаялъул улкаби гьесизаризейин.
Адвокат Магнистский Москваялъул цIех-рехалъул изоляторалда тIамун вукIана улкалъул тIадегIанал хъулухъазда ругел гIадамаз макъалоял кьеялдаса рорчIизелъун гьарурал фальсификациял тIатинарун хадуб. Амма унтарав гьесие кколеб медикияб кумек гьабичIого 2009 соналда гьев гьенив хун вукIана.
Каспаровас абулеб буго санкциязда гурони бажаризе гьечIин Россиялъул нухмалъиялда бугеб элитаялъ гьабулеб бугелде кIвар буссинабизейин.
Гарри Каспаров: «Гьезул ишазде балагьун гьезие тамихI гьабулеб бугони, масала, Европалде рачIине гьукъани яги жидеца Россиялда бикъа-хъамуралдаса Европалда пайда босизе гьезда течIони-гьеб мехалда россиялъул тIалъиялда бугеб элита цIунулев чи хIисабалда Путинил кинабгIаги кIвар букIине гьечIо».
Гьес гьединго тIаде жубана жинца бицунеб бугелъулцин гIемерго кIудияб пайда букIине гьечIин, щайгурелъул жинда лъалин гьединал санкция гьариларедухъ яги гьезде дандечIезелъун Кремлалъ хIалтIизарулел механизмалин.
Гарри Каспаров: «Путиница цIакъ лъикI лъала санкциязул бугеб хIинкъи, гьединлъидал гьанже Россиялъул тIолабго дипломатия ва къватIисел улкабазда ругел Россиялъул лобистал тIамун руго Магнитскиясул къануналде данде тадбирал тIоритIизе».
«The New Times» газетаялъ гьаб анкьалда къватIибе кьураб интервьюялда Каспаровас абулеб буго Россиялдаса гьев нахъе иналде цебе ЦIех-рехалъул комитеталъул чагIаз кIиго нухалда телефоналъ ахIун букIанин жиндир эбелалъухъе жив вугев бакI цIехонин.
Каспаровас абулеб буго жиндир ракI чIараб бугин жиндаги оппозиционияб Координационияб Шураялъул цоги гIахьалчагIаздаги политикияб мотивация бугеб хадубчIей гьабулеб букIиналда, гьебги гьез Магнисткисясул къануналъул рахъ кколеб букIиналъ. Гьединлъидал гьез ахIулел руго ЦIех-рехалъул комитеталъул нухмалъулев Александр Бастрыкинги гьеб санкциязул сияхIалде восейин.
Апрелалда 50 сон тIубарав Каспаровасда лъала Москваялъе рекIее гIоларел жал гьаризе Европаялъул улкаби тIами бигьаяб масъала гьечIолъи. Гьесда кколеб буго Магнитскиясул къануналде данде Кремлалъ комментариязулъ ва ишазулъ бихьизабулеб кьварараб стратегия гьеб аслияб къагIидаялда Европаялъул хIукуматал хIинкъизаризелъун гьарулел жал ругин. Каспаровасул пикруялда Европаялъул улкабазеги ликI букIинаан гьезул жидер-жидерги Магнитскиясул къанун букIарабани.
Магнитсикиясул къануналъе жаваб хIисабалда Москваялъ гьукъана Америкалъул гражданазе Россиялдаса лъимал хьихьизе рачине.
Амма гроссмейстерас абулеб буго хIай лъугIун гьечIин ва букIиниселда гьесул хьул кIудияб буго.
Гарри Каспаров: «Дида ккола гIагараб заманалда Европалъул цо яги чанго улкаялъ Магнитскиясул къануналда тIад хIалтIи байбихьизе бугин. Гьедин ракIалде ккезе кьучIал баяналги руго».
Валентин Барышников
