Абсалитдин Мурзаев лъабгояс вухана 3 марталда МахIачхъалаяллда ГIахъушиясул къотIнов. ГъарачагIи бидивецIцIулев Абсалитдинги тун гьеб бакIалдаса тIурана. Жеги гьел чагIи щалали чIезабун гьечIо. Мурзаевасе цIикIкIараб сакъатлъи ккана гьел чагIазул квердалъун. МоцIгIан заманалъ махIачхъалаялъул аслияб азарханаяда вегун вукIана гьев. Гьелъул кIалтIаги чанго нухалъ кIинусидаса цIикIкIун чиги вакIарун митингал тIоритIана лъарагIаз. Жидеца цого-цо халкъалъул ургъелги бугев, гьересиги бицунарев чи Абсалитдин Мурзаевасе гьеб хIалихьалъи гьабурал чагIи тезе гьечIилан лъазабулеб букIана гьенир ракIараразги.
Мурзаев вухиялъе аслияб гIиллалъун рикIкIунеб буго гьес Россиялъул жамгIияб палатаялда, ракьазда хурхун Дагъистаналда гьабулеб бугебщинаб чорокаб сиясаталъул ва ришватчилъиялъул хIакъалъулъ кIалъай гьаби.
Жакъа митингалдаги, ЦIех-рехалъул идарабаз Мурзаев вухи гъалмагъир бугилан чIезабун, гьелде данде кколеб къануналъул бутIаялда рекъон уголовияб иш рагьи, мекъаб бугилан ахIи бахъинабулеб букIана халкъалъ. Гьезул пикруялда рекъон гьеб иш гъалмагъир гуреб гьев чи чIвазе хиял гьаби кколеб рагIула. Гьединлъидал гьел такъсирчагIиги ралагьун гьезие кьварараб тамихI гьабеян тIалаб гьабулеб букIана митингалъул гIахьалчагIаз.
Митингалда гIахьаллъи гьабуна кинавниги кIиазаргогIан чияс. Гьеб тадбир тIобитIаразул рагIабазда рекъон митингалда гIахьалчагIи дагьалги цIикIкIун рукIине кколел рукIун руго, лъарагIазул батIи-батIиял росабалъа рачIунел гьел, МахIачхъалаялде щолаго полициялъул хIалтIухъабаз нахъруссинарун рагIула.
Гьеб данделъиялда лъарагIаз жидерго бищунго унтараб ракьул суалги борхана, жидер ракьал гьаниса – дораса рачIарал магIарулазегун тумазе рикьулел ругин ахIи-хIур балел руго гьел. Гьединго РиА Дагъистан информациялъул агентлъи ва Дагестанская правда газетаз гьереси гуреб жо хъваларин, гьезда жидер божилъиги гьечIин, халкъалъул тIалабал тIуралел идараби гурин гьелиланги лъазабуна митингчагIаз. Гьенибго кIудиял гIайибал гIунтIизаруна Дагъистаналъул Печаталъул ва информациялъул сиясаталъул идараялъул нухмалъулев ГIумаргIусман ХIажиевасде. Гьев хIакимчиги гьерсихъан вугин абулеб букIана митингалда кIалъазе рахъараз.
ПатΙимат МахΙмудова
Мурзаев вухиялъе аслияб гIиллалъун рикIкIунеб буго гьес Россиялъул жамгIияб палатаялда, ракьазда хурхун Дагъистаналда гьабулеб бугебщинаб чорокаб сиясаталъул ва ришватчилъиялъул хIакъалъулъ кIалъай гьаби.
Жакъа митингалдаги, ЦIех-рехалъул идарабаз Мурзаев вухи гъалмагъир бугилан чIезабун, гьелде данде кколеб къануналъул бутIаялда рекъон уголовияб иш рагьи, мекъаб бугилан ахIи бахъинабулеб букIана халкъалъ. Гьезул пикруялда рекъон гьеб иш гъалмагъир гуреб гьев чи чIвазе хиял гьаби кколеб рагIула. Гьединлъидал гьел такъсирчагIиги ралагьун гьезие кьварараб тамихI гьабеян тIалаб гьабулеб букIана митингалъул гIахьалчагIаз.
Митингалда гIахьаллъи гьабуна кинавниги кIиазаргогIан чияс. Гьеб тадбир тIобитIаразул рагIабазда рекъон митингалда гIахьалчагIи дагьалги цIикIкIун рукIине кколел рукIун руго, лъарагIазул батIи-батIиял росабалъа рачIунел гьел, МахIачхъалаялде щолаго полициялъул хIалтIухъабаз нахъруссинарун рагIула.
Гьеб данделъиялда лъарагIаз жидерго бищунго унтараб ракьул суалги борхана, жидер ракьал гьаниса – дораса рачIарал магIарулазегун тумазе рикьулел ругин ахIи-хIур балел руго гьел. Гьединго РиА Дагъистан информациялъул агентлъи ва Дагестанская правда газетаз гьереси гуреб жо хъваларин, гьезда жидер божилъиги гьечIин, халкъалъул тIалабал тIуралел идараби гурин гьелиланги лъазабуна митингчагIаз. Гьенибго кIудиял гIайибал гIунтIизаруна Дагъистаналъул Печаталъул ва информациялъул сиясаталъул идараялъул нухмалъулев ГIумаргIусман ХIажиевасде. Гьев хIакимчиги гьерсихъан вугин абулеб букIана митингалда кIалъазе рахъараз.
ПатΙимат МахΙмудова
