«Мирная проповедь и ее аудитория» абун исана 5 сентябралда «Новая газеталда» бахъун хадуб, гьединго фейсбукалда дагъистанияз гьоркьоб лъун хадуб, гьал къоязда республикаялда къватIибе бачIунеб «Новое Дело» газеталдаги бахъана гьеб.
Гордиенкол макъала гьоркьоб лъун букIана министерлъиялъул данделъиялда, гьелъие гIоло гIуцIун бугоан хасаб комиссияги. Гордиенкол вакиллъун гьений Денисенко Елена йикIана. Гьей ккола инсанасул ихтиярал цIунулеб «Мемориал» абулеб къокъаялъул Дагъистаналда йигей вакил. Амма Денисенкоца ЭР-лъе бицана жий гьение министрасулгун дагIба гьабизе яги гьесул суалазе жавабал кьезе гурин ун йикIарай, гIицIго Гордиенкоца гьарун, Бекмурзаевасги гьесул рахъккуразги бицунеб-толелъухъ гIенеккизе ун йикIанин.
Гордиенкоца хъвалеб бугоан гъоркьисала марталда министр Бекмурзаевасул гъулбасалда гъоркь республикаялъул нухмалъулезухъе битIун бачIанила балъгояб кагъат. Гьелда бицунеб букIун рагIула ахираб заманалда Дагъистаналда динияб рахъалда лъугьарал проблемабазул, гьединго бусурбабазул идараялда цолъи гьечIолъиялъул, цIияв рухIияв цевехъан вищизе ккеялъул.
Амма Бекмурзаевас гIуцIараб комиссиялъул данделъиялда Гордиенкол макъала дагъистаниял цоцазде гьусулеб, халкъалдаги тIалъиялдаги гьоркьоб рикьи ккеялъе, республикаялда ахIвал-хIал хIалуцинабизе мурадалда хъвараблъун рикIкIана гьеб министерлъиялъул хIалтIухъан ХIажиев Расулица. Абуна гьеб макъалаялъ бусурбабазул идараялъул къимат гIодобегIан ккезабулеб бугила, гьединго ЧIикIаса КIудияв чIвараб заманалда къватIибе бачIараб макъала букIиналъги дагъистаниязул ццим бахъинабизе рес бугила гьелъ.
Елена Денисенко,"Мемориал" абураб инсанасул ихтиярал цIунулеб централъул дагъистаналъул бутIаялъул бетIер
Денисенко Елена: «Сонисеб данделъиялда живго Бекмурзаевас абуна Гордиенкоца къватIиб чIвазабиялда хIинкъи бугеб, балъгояб жоги щибниги гьечIин гьеб макъалаялъулъ. Дагъистаналъул бусурбабазул идараялда хиса-басиял гьаризеги цебего байбихьун бугин. Жеги цойги гьелдаго релълъараб жо бицана гьес. Гьеб мехалда гьабщинаб ахIи-хIур бахъинабиялъе гIилла щибали дида лъаларо».
Гьединабго магIнаялъул жаваб Денисенкоца фейсбукалдасан хъван буго цIитарав информациялъул министр ХIажиев Нариманихъеги. Гьединлъидал гьелда гьеб кинабго бихьулеб буго Бекмурзаевас тIадчагIаздаги дагъистанияздаги цеве живго вацIцIад гьавизе гьарулел хIаяллъун.
Денисенко Елена: «Гьезие къваригIун букIана жидеца макъалаялда тIасан цIех-рех гьабураблъи бихьизабизе, жидеца макъалаялъул автор ахIун йикIанин министерлъиялде, амма гьей ячIинчIин, жиндирго вакилги йитIун чIанилан абизе».
Комиссиялъул вакилзаби рази гьечIого рукIун руго Гордиенкоца жидехъе йитIун ячIун йигин щибго хIадурлъи гьечIей вакил. КигIан хадур кIалъаниги, Москваялдаса МахIачхъалаялде ячIине разилъичIин гьей.
Денисенко: «Гьелъ абуна гьез жиндихъе цониги нухалда ахIун бачIинчIин. ГIицIго гьеб министерлъиялда хIалтIулев Мурадин абурав васас фейсбукалдасан хъван букIанила жиндихъе макъалаялда бицунелъул цIех-рех гьабизе бугилан».
Дагъистаналъул бусурбабазул идараялда хIалтIулев, цIар бицине разилъичIев вакилас абуна жиндаги бихьанин Бекмурзаевасул гъулбасги мугьруги лъураб гьеб кагъат. Гуребани Гордиенко гIадай журналисталъги «Новая» гIадаб газеталъги кьучI гьечIеб баян къватIибе кьезе кинго рес букIинчIилан. Гьев чиясда кколеб буго Бекмурзаевасеги тIалъиялъеги къабуллъичIеб жо бугин Ирина Гордиенкодасан гьеб информация къватIибе ун букIин.
Гордиенкол макъала гьоркьоб лъун букIана министерлъиялъул данделъиялда, гьелъие гIоло гIуцIун бугоан хасаб комиссияги. Гордиенкол вакиллъун гьений Денисенко Елена йикIана. Гьей ккола инсанасул ихтиярал цIунулеб «Мемориал» абулеб къокъаялъул Дагъистаналда йигей вакил. Амма Денисенкоца ЭР-лъе бицана жий гьение министрасулгун дагIба гьабизе яги гьесул суалазе жавабал кьезе гурин ун йикIарай, гIицIго Гордиенкоца гьарун, Бекмурзаевасги гьесул рахъккуразги бицунеб-толелъухъ гIенеккизе ун йикIанин.
Гордиенкоца хъвалеб бугоан гъоркьисала марталда министр Бекмурзаевасул гъулбасалда гъоркь республикаялъул нухмалъулезухъе битIун бачIанила балъгояб кагъат. Гьелда бицунеб букIун рагIула ахираб заманалда Дагъистаналда динияб рахъалда лъугьарал проблемабазул, гьединго бусурбабазул идараялда цолъи гьечIолъиялъул, цIияв рухIияв цевехъан вищизе ккеялъул.
Амма Бекмурзаевас гIуцIараб комиссиялъул данделъиялда Гордиенкол макъала дагъистаниял цоцазде гьусулеб, халкъалдаги тIалъиялдаги гьоркьоб рикьи ккеялъе, республикаялда ахIвал-хIал хIалуцинабизе мурадалда хъвараблъун рикIкIана гьеб министерлъиялъул хIалтIухъан ХIажиев Расулица. Абуна гьеб макъалаялъ бусурбабазул идараялъул къимат гIодобегIан ккезабулеб бугила, гьединго ЧIикIаса КIудияв чIвараб заманалда къватIибе бачIараб макъала букIиналъги дагъистаниязул ццим бахъинабизе рес бугила гьелъ.
Гьединабго магIнаялъул жаваб Денисенкоца фейсбукалдасан хъван буго цIитарав информациялъул министр ХIажиев Нариманихъеги. Гьединлъидал гьелда гьеб кинабго бихьулеб буго Бекмурзаевас тIадчагIаздаги дагъистанияздаги цеве живго вацIцIад гьавизе гьарулел хIаяллъун.
Денисенко Елена: «Гьезие къваригIун букIана жидеца макъалаялда тIасан цIех-рех гьабураблъи бихьизабизе, жидеца макъалаялъул автор ахIун йикIанин министерлъиялде, амма гьей ячIинчIин, жиндирго вакилги йитIун чIанилан абизе».
Комиссиялъул вакилзаби рази гьечIого рукIун руго Гордиенкоца жидехъе йитIун ячIун йигин щибго хIадурлъи гьечIей вакил. КигIан хадур кIалъаниги, Москваялдаса МахIачхъалаялде ячIине разилъичIин гьей.
Денисенко: «Гьелъ абуна гьез жиндихъе цониги нухалда ахIун бачIинчIин. ГIицIго гьеб министерлъиялда хIалтIулев Мурадин абурав васас фейсбукалдасан хъван букIанила жиндихъе макъалаялда бицунелъул цIех-рех гьабизе бугилан».
Дагъистаналъул бусурбабазул идараялда хIалтIулев, цIар бицине разилъичIев вакилас абуна жиндаги бихьанин Бекмурзаевасул гъулбасги мугьруги лъураб гьеб кагъат. Гуребани Гордиенко гIадай журналисталъги «Новая» гIадаб газеталъги кьучI гьечIеб баян къватIибе кьезе кинго рес букIинчIилан. Гьев чиясда кколеб буго Бекмурзаевасеги тIалъиялъеги къабуллъичIеб жо бугин Ирина Гордиенкодасан гьеб информация къватIибе ун букIин.
