Федералияб хIинкъи гьечIолъиялъул идараялъул терроралда данде чIараб комитеталъул лъазабиялда рекъон 14 июлалъул радал Гъаякент мухъалъул Утамыш росдада аскIоб лъазабун буго хасаб терроралда данде чIараб низам. Гьениб ккараб тунка-гIусиялъул хIасилалда изну гьечIого яргъид гIуцIаразул рахъалдаса чIвана батIи-батIиял баяназда рекъон 5-7 чи, низам цIунулезул цо рагъухъан чIвана ва лъабго чи лъукъана. Гьедин бицунеб буго информациялъул алатаз.
Дагъистаналъул жанисел ишазул министерлъиялда ва ХIинкъи гьечIолъиялъул федералияб идараялъул Дагъистаналда бугеб бутIаялда гьеб лъугьа-бахъиналда хурхун информация кьечIо. ЧIварал изнугьечIого яргъид гIуцIарал унел рукIун руго Избербашалъул ва Сергохъалаялъул къокъабазда гъорлъе.
Дагъистаналъул цIех-рехалъул комитеталъул пресс-хъулухъалъул нухмалъулев Темирбеков Расулица Эркенлъи радиоялъе гьадин бицана.
Темирбеков Расул: «ГьабсагIаталда цебего буго щибниги абизе, хасаб операция жеги унеб буго. Оперативиял идарабазул хIалтIухъабазул баяназда рекъон изну гьечIого яргъид гIуцIаразул анкьго чи чIван вуго, цо рагъухъан чIван вуго ва лъабгояв лъукъун вуго. Жибго хасаб операция унеб буго Избербаш-Сергохъала автомобилалъул нухда, Утамыш абураб росдада рагIалда цIолбол ахал ругеб бакIалда.
Ихтиярал цIунулел идарабазул рахъалдаса гьеб тадбиралъулъ гIахьаллъулел руго Жанисел ишазул министерствоялъул жанисел аскаразул рагъухъаби ва Федералияб хIинкъи гьечIолъиялъул идараялъул хIалтIухъаби. Изну гьечIого яргъид гIуцIаразул рахъалдасан чIварал гIага-шагарго рукIине бегьула Избербашалъул такъсирчагIазул къокъа. МухIканаб информация гьабсагIаталда гьечIо, тIокIаб щибниги абизе кIоларо».
Терроралда данде чIараб комитеталъул информационнияб централъ лъазабулеб буго чIварал изну гьечIого яргъид гIуцIаразул кIигоял щал рукIин чIезабунин. Гьел ккола I984 соналъ гьавурав, МухIамадов Ислам ва I983 соналъ гьавурав МухIамадов Арсен. КIиялго федералияб цIех-рехалда рукIана 20I0 соналдаса нахъеян ва лъазабулеб буго РИА Новости сайталъ.
Гъаякент мухъалъул Утамыш росулъа, жиндиргун гара-чIвари диктофоналда хъвазе бокьичIев ГIабдулаев ИмангIалица бицана кьвагьа-гIанхъи бахъанин радал сагIат 8 тIубарабго, цIолбол ахазда жанир рахчарал изну гьечIого яргъид гIуцIарал сверун ккун руго, гIадамал нухдаса дора-гьанире риччалел гьечIо ва нухда гIемерал рагъухъаби ругилан бицана гьес Эркенлъи Радиоялъе.
Дагъистаналъул жанисел ишазул министерлъиялда ва ХIинкъи гьечIолъиялъул федералияб идараялъул Дагъистаналда бугеб бутIаялда гьеб лъугьа-бахъиналда хурхун информация кьечIо. ЧIварал изнугьечIого яргъид гIуцIарал унел рукIун руго Избербашалъул ва Сергохъалаялъул къокъабазда гъорлъе.
Дагъистаналъул цIех-рехалъул комитеталъул пресс-хъулухъалъул нухмалъулев Темирбеков Расулица Эркенлъи радиоялъе гьадин бицана.
Темирбеков Расул: «ГьабсагIаталда цебего буго щибниги абизе, хасаб операция жеги унеб буго. Оперативиял идарабазул хIалтIухъабазул баяназда рекъон изну гьечIого яргъид гIуцIаразул анкьго чи чIван вуго, цо рагъухъан чIван вуго ва лъабгояв лъукъун вуго. Жибго хасаб операция унеб буго Избербаш-Сергохъала автомобилалъул нухда, Утамыш абураб росдада рагIалда цIолбол ахал ругеб бакIалда.
Ихтиярал цIунулел идарабазул рахъалдаса гьеб тадбиралъулъ гIахьаллъулел руго Жанисел ишазул министерствоялъул жанисел аскаразул рагъухъаби ва Федералияб хIинкъи гьечIолъиялъул идараялъул хIалтIухъаби. Изну гьечIого яргъид гIуцIаразул рахъалдасан чIварал гIага-шагарго рукIине бегьула Избербашалъул такъсирчагIазул къокъа. МухIканаб информация гьабсагIаталда гьечIо, тIокIаб щибниги абизе кIоларо».
Терроралда данде чIараб комитеталъул информационнияб централъ лъазабулеб буго чIварал изну гьечIого яргъид гIуцIаразул кIигоял щал рукIин чIезабунин. Гьел ккола I984 соналъ гьавурав, МухIамадов Ислам ва I983 соналъ гьавурав МухIамадов Арсен. КIиялго федералияб цIех-рехалда рукIана 20I0 соналдаса нахъеян ва лъазабулеб буго РИА Новости сайталъ.
Гъаякент мухъалъул Утамыш росулъа, жиндиргун гара-чIвари диктофоналда хъвазе бокьичIев ГIабдулаев ИмангIалица бицана кьвагьа-гIанхъи бахъанин радал сагIат 8 тIубарабго, цIолбол ахазда жанир рахчарал изну гьечIого яргъид гIуцIарал сверун ккун руго, гIадамал нухдаса дора-гьанире риччалел гьечIо ва нухда гIемерал рагъухъаби ругилан бицана гьес Эркенлъи Радиоялъе.
