Терроралъулал такъсиразулъ гIайибавлъун низам цIунулез рикIкIунев Руслан ИсмагIиловасухъе адвокат виччалев гьечIилан лъазабулеб буго гьесул эбел Жанна ИсмагIиловалъ. Гьелъул рагIабазда, август байбихьиралдаса нахъе Русланихъе цо нухалъ гурони виччан гьечIо адвокат.
ЦIех-рехчагIаз адвокат виччалев гьечIо гьесдаса Русланица инкар гьабуниланги абун, бицана Жанна ИсмагIиловалъ. Русланил гIагарлъиялъ 22 июналда ахIи-хIур бахъинабулеб букIана, гьев викъун анин къуваталъул идарабазин абун.
Доб къоялда Семендер абураб бакΙалда гIумру гьабулев Руслан къотIноса унеб мехалда анлъго чияс ккун вуго. Гьезда гьорлъан ункъояв полициялъул формаги ретIун вукIун вуго. Гьеб лъугьа-бахъин бихьараз бицун буго Жаннада, дов анлъгояс Руслан кквезеги ккун гьесухъе кодоб таманча бегьулеб букIанин. Русланил кверал кьурун, вегизавун вуго гьев. АскIоре рекерун рачIарал гIадамал ахIдун руго жидеда бихьулеб бугин гьез Русланихъе ярагъ рехулеб букIин. Русланида бажарун буго ворчIизе ва лъутизе. Гьесдехун кьвагьдезе лъугьун руго дол анлъгояв ва Руслан вахчун вуго балеб минаялда жанив.
ГIемераб мех инчIого гьеб бакIалде хъамун бачIун буго полициялъул кIиго «УАЗ». Руслан кквезе щун, цояб автомобилалда рекΙинавун вачун ун вуго гьев.
Таксиги ккун Жанна ун йиго МахIачхъалаялъул Киров мухъалъул жанисел ишазул идараялде. Гьенив вачIана гьелда лъалев адвокат ХIажимурад Измайловги. Жанисел ишазул идараялда гьезда лъазабун буго, ИсмагIилов Руслан абурав чи жидехъ гьечIилан.
Ахир-къадги кIиго къоялдасан гIагарлъиялда лъан буго Руслан МахIачхъалаялъул изоляторалда вукΙин.
Гьениве Русланихъе адвокат бащдаб сагIаталъ гурони виччан гьечIо. Адвокатас хадуб бицана Руслан квешго вухун вугин, гьесие токги хIалтIизабун гIакъуба кьолеб бугин. Васасул черх ругъназ цΙун бугин ва гΙемер вухиялъ гьесул гьумер чΙегΙерлъун бугин.
Медикияб экспертиза гьабиялъе тохтурасда хадур ун нахъе рачΙиндал, адвокатасдеги Жаннадеги лъазабун буго Руслан жидехъан полициялъулаз вачун анини ва кив гьев вугевали жидеда лъаларин.
Руслан ватун вуго МахIачхъалаялъул изоляторалда. Гьенисан гьев цIех-рехалъулаб СИЗОялде вачун ватана. Жаннал рагΙабазда, август щвезегIан адвокат виччалев вукIун гьечIо Русланихъе, ва гьес инкар гьабичΙо адвокатасдаса, гьев гьединаб инкар хъвазе тΙамулев рагΙуна.
30 июлалда Русланица гIарза хъван буго прокуратураялде, жиндие гIакъуба кьолеб бугин, вухулев вугин абураб. Гьес гьарулеб букIана гьеб гIарзаги хIисабалде босун, СИЗОялда цIех-рех гьабеян, гьединго жиндие медикияб экспертиза гьабеян. Амма гьеб гIарзаялда гIинтIамулеб гьечIилан прокуратураялъилан абуна Жаннаца.
СИЗОялъул хIалтIухъабаз адвокат жаниве виччан гьечIо, тIадежоялъеги адвокатасухъа гьесул документалги рахъун руго. ИсмагIиловаз ккурав адвокатлъун ккола ХIажимурад Измайлов. «Кавказ» абураб адвокатазул кколлегиялда хIалтIулев вуго гьев. Гьесул рагΙабазда, гьес гΙарза хъван буго прокуратураялде, жиндихъа гьесул профессионалияб документа бахъиялда бан.
Измайловасги лъазабулеб буго, Руслан вухулев вугин СИЗОялда, гьесие гIакъубакьолеб бугин. Жанна ИсмагIиловалъ абухъе, гьелъул вас тIамулев вуго адвокатазул коллегиялъул нухмалъулев МухIамад Гучачлиевасда тIаса гьересиял баянал кьезе.
Гучачлиевас жиндихъ гIарац кьунин «Аляска» посталда теракт гьабиялъе кIиго автомобиль босизеян абизе тIамулев вугила цIех-рехчагIаз Русланилан, абулеб буго гьесул эбелалъ.
Жанна ИсмагIилова: «АнцIабилеб къо буго гьесул карцералда. Руслан кидаго карцералде гъолев вуго цIех-рехчагIаз. Гьезие бокьун буго Русланица абизе, 3 маялда МахIачхъалаялда гьабураб тераталде жиндир гΙахьаллъи бугин. Гьеб теракт гьабиялъе кIиго автомобиль босизе Гучачлиевас гIарац кьунилан абизабулеб буго Русланида. Гьес гIарзаги хъвана прокуратураялде жиндие гIакъуба кьолеб бугин, амма гьесул гьеб гIарзаялда хурхун кинабгIаги багъа-бачари байбихьун гьечΙо. . СИЗОялда вас вухулев вуго, гьесда гьанже хьвадизецин бажарулеб гьечΙо».
Дагъистаналъул цIех-рехалъул комитеталда абуна Руслан ИсмагIиловасда гIайиб гIунтIизабулеб бугин Уголовияб Кодексалъул 205-б терроризмалъул статьялда рекъонила. КIиго гьединаб такъсиралда Руслан гIахьаллъанин рикIкΙунеб буго низам цIунулез. Гьезул рагIабазда, гьесда щаклъи буго ТамихIал тIуралеб федералияб хъулухъалъул Дагъистаналда бугеб идараялъул, ай, УФСИНалъул нухмалъулев Муслим Даххаев чIвазе хIалбихьи гьабиялъул. Гьединго низам цIунулезул щаклъи буго 3 маялда МахIачхъалаялда ккараб теракталдеги гьесул гΙахьаллъи букΙиналъул.
Русланил кIиго вац – Рашидги Арсенги – 8 маялда рикъана. Гьезул цояв квешго вухун, нахъе виччан вуго. ГIагараз рикIкΙунеб буго, гьел рикъиялъул жавабчилъи низам цΙунулезда бугин.
Рашид викъана радал ярагъгун рукΙарал комуфляж ретΙарав Ι0 чияс. Гьебго къоялда къадеялда нахъе викъана Рашидил вац Арсенги. Жаннаца бицана Арсен гьебго къоялда кватIун рокъове щванин ва тIаде балагьарабго бичIулеб букIанин гьев квешго вухун вукIин.
Арсенил рагΙабазда, хΙалтΙудасан къватΙиве лъугьаравго гьесда аскоб чΙезабун буго кΙиго машина. Гьенисан къватΙиве вахъарав анлъго чияс гьев къазавун вуго машинаялда жанив ва МахΙачхъала тун къхватΙиве вачун ун вуго. Цогидаб машинаялде жанивеги вачΙун жиндие гΙазаб кьунин лъазабуна Арсеница.
Вухун, ток кьабизабун гьесде абулеб букIун буго 3 маялда МахIачхъалаялда гьабураб теракталъул гьабурал щал рукΙин бицеян. Жинда гьел лъаларин чΙун, ахир-къадги гьев нахъе виччан вуго. «Вац чIагояв вихьизе бокьун батани, кIалги къан чIаян абун буго гьесда дол чагIазилан» - ян бицана ИсмагIилова Жаннаца.
3 маялда МахIачхъалаялда тIатIалаго гьабураб кIиго теракталъулъ хвана Ι5 чи, лъукъана анцI-анцI чи. ЦIех-рехалъул баяназда рекъон, теракт гьабураллъун рикIунел руго 23 сон барав Ризван ГIалиев ва гьесул яц, Ι9 сон барай Муслимат. «Теракт гIуцIараллъун ккола изну гьечIого яргъидгIуцIараб «МахIачхъалаялъул жамагIат» абулеб къокъа», - илан лъазабун букIана Дагъистаналъул жанисел ишазул министрасги.
Гьеб къокъаялъул нухмалъулев чIвана МахIачхъалаялда тIобитIараб хасаб операциялда.
Низам цIунулезул лъазабиялда рекъон, гьабсагIат цIехолел руго гьеб теракт гIуцIизе кумек гьабурал чагIи.
ЦIех-рехчагIаз адвокат виччалев гьечIо гьесдаса Русланица инкар гьабуниланги абун, бицана Жанна ИсмагIиловалъ. Русланил гIагарлъиялъ 22 июналда ахIи-хIур бахъинабулеб букIана, гьев викъун анин къуваталъул идарабазин абун.
Доб къоялда Семендер абураб бакΙалда гIумру гьабулев Руслан къотIноса унеб мехалда анлъго чияс ккун вуго. Гьезда гьорлъан ункъояв полициялъул формаги ретIун вукIун вуго. Гьеб лъугьа-бахъин бихьараз бицун буго Жаннада, дов анлъгояс Руслан кквезеги ккун гьесухъе кодоб таманча бегьулеб букIанин. Русланил кверал кьурун, вегизавун вуго гьев. АскIоре рекерун рачIарал гIадамал ахIдун руго жидеда бихьулеб бугин гьез Русланихъе ярагъ рехулеб букIин. Русланида бажарун буго ворчIизе ва лъутизе. Гьесдехун кьвагьдезе лъугьун руго дол анлъгояв ва Руслан вахчун вуго балеб минаялда жанив.
ГIемераб мех инчIого гьеб бакIалде хъамун бачIун буго полициялъул кIиго «УАЗ». Руслан кквезе щун, цояб автомобилалда рекΙинавун вачун ун вуго гьев.
Таксиги ккун Жанна ун йиго МахIачхъалаялъул Киров мухъалъул жанисел ишазул идараялде. Гьенив вачIана гьелда лъалев адвокат ХIажимурад Измайловги. Жанисел ишазул идараялда гьезда лъазабун буго, ИсмагIилов Руслан абурав чи жидехъ гьечIилан.
Ахир-къадги кIиго къоялдасан гIагарлъиялда лъан буго Руслан МахIачхъалаялъул изоляторалда вукΙин.
Гьениве Русланихъе адвокат бащдаб сагIаталъ гурони виччан гьечIо. Адвокатас хадуб бицана Руслан квешго вухун вугин, гьесие токги хIалтIизабун гIакъуба кьолеб бугин. Васасул черх ругъназ цΙун бугин ва гΙемер вухиялъ гьесул гьумер чΙегΙерлъун бугин.
Медикияб экспертиза гьабиялъе тохтурасда хадур ун нахъе рачΙиндал, адвокатасдеги Жаннадеги лъазабун буго Руслан жидехъан полициялъулаз вачун анини ва кив гьев вугевали жидеда лъаларин.
Руслан ватун вуго МахIачхъалаялъул изоляторалда. Гьенисан гьев цIех-рехалъулаб СИЗОялде вачун ватана. Жаннал рагΙабазда, август щвезегIан адвокат виччалев вукIун гьечIо Русланихъе, ва гьес инкар гьабичΙо адвокатасдаса, гьев гьединаб инкар хъвазе тΙамулев рагΙуна.
30 июлалда Русланица гIарза хъван буго прокуратураялде, жиндие гIакъуба кьолеб бугин, вухулев вугин абураб. Гьес гьарулеб букIана гьеб гIарзаги хIисабалде босун, СИЗОялда цIех-рех гьабеян, гьединго жиндие медикияб экспертиза гьабеян. Амма гьеб гIарзаялда гIинтIамулеб гьечIилан прокуратураялъилан абуна Жаннаца.
СИЗОялъул хIалтIухъабаз адвокат жаниве виччан гьечIо, тIадежоялъеги адвокатасухъа гьесул документалги рахъун руго. ИсмагIиловаз ккурав адвокатлъун ккола ХIажимурад Измайлов. «Кавказ» абураб адвокатазул кколлегиялда хIалтIулев вуго гьев. Гьесул рагΙабазда, гьес гΙарза хъван буго прокуратураялде, жиндихъа гьесул профессионалияб документа бахъиялда бан.
Измайловасги лъазабулеб буго, Руслан вухулев вугин СИЗОялда, гьесие гIакъубакьолеб бугин. Жанна ИсмагIиловалъ абухъе, гьелъул вас тIамулев вуго адвокатазул коллегиялъул нухмалъулев МухIамад Гучачлиевасда тIаса гьересиял баянал кьезе.
Гучачлиевас жиндихъ гIарац кьунин «Аляска» посталда теракт гьабиялъе кIиго автомобиль босизеян абизе тIамулев вугила цIех-рехчагIаз Русланилан, абулеб буго гьесул эбелалъ.
Жанна ИсмагIилова: «АнцIабилеб къо буго гьесул карцералда. Руслан кидаго карцералде гъолев вуго цIех-рехчагIаз. Гьезие бокьун буго Русланица абизе, 3 маялда МахIачхъалаялда гьабураб тераталде жиндир гΙахьаллъи бугин. Гьеб теракт гьабиялъе кIиго автомобиль босизе Гучачлиевас гIарац кьунилан абизабулеб буго Русланида. Гьес гIарзаги хъвана прокуратураялде жиндие гIакъуба кьолеб бугин, амма гьесул гьеб гIарзаялда хурхун кинабгIаги багъа-бачари байбихьун гьечΙо. . СИЗОялда вас вухулев вуго, гьесда гьанже хьвадизецин бажарулеб гьечΙо».
Дагъистаналъул цIех-рехалъул комитеталда абуна Руслан ИсмагIиловасда гIайиб гIунтIизабулеб бугин Уголовияб Кодексалъул 205-б терроризмалъул статьялда рекъонила. КIиго гьединаб такъсиралда Руслан гIахьаллъанин рикIкΙунеб буго низам цIунулез. Гьезул рагIабазда, гьесда щаклъи буго ТамихIал тIуралеб федералияб хъулухъалъул Дагъистаналда бугеб идараялъул, ай, УФСИНалъул нухмалъулев Муслим Даххаев чIвазе хIалбихьи гьабиялъул. Гьединго низам цIунулезул щаклъи буго 3 маялда МахIачхъалаялда ккараб теракталдеги гьесул гΙахьаллъи букΙиналъул.
Русланил кIиго вац – Рашидги Арсенги – 8 маялда рикъана. Гьезул цояв квешго вухун, нахъе виччан вуго. ГIагараз рикIкΙунеб буго, гьел рикъиялъул жавабчилъи низам цΙунулезда бугин.
Рашид викъана радал ярагъгун рукΙарал комуфляж ретΙарав Ι0 чияс. Гьебго къоялда къадеялда нахъе викъана Рашидил вац Арсенги. Жаннаца бицана Арсен гьебго къоялда кватIун рокъове щванин ва тIаде балагьарабго бичIулеб букIанин гьев квешго вухун вукIин.
Арсенил рагΙабазда, хΙалтΙудасан къватΙиве лъугьаравго гьесда аскоб чΙезабун буго кΙиго машина. Гьенисан къватΙиве вахъарав анлъго чияс гьев къазавун вуго машинаялда жанив ва МахΙачхъала тун къхватΙиве вачун ун вуго. Цогидаб машинаялде жанивеги вачΙун жиндие гΙазаб кьунин лъазабуна Арсеница.
Вухун, ток кьабизабун гьесде абулеб букIун буго 3 маялда МахIачхъалаялда гьабураб теракталъул гьабурал щал рукΙин бицеян. Жинда гьел лъаларин чΙун, ахир-къадги гьев нахъе виччан вуго. «Вац чIагояв вихьизе бокьун батани, кIалги къан чIаян абун буго гьесда дол чагIазилан» - ян бицана ИсмагIилова Жаннаца.
3 маялда МахIачхъалаялда тIатIалаго гьабураб кIиго теракталъулъ хвана Ι5 чи, лъукъана анцI-анцI чи. ЦIех-рехалъул баяназда рекъон, теракт гьабураллъун рикIунел руго 23 сон барав Ризван ГIалиев ва гьесул яц, Ι9 сон барай Муслимат. «Теракт гIуцIараллъун ккола изну гьечIого яргъидгIуцIараб «МахIачхъалаялъул жамагIат» абулеб къокъа», - илан лъазабун букIана Дагъистаналъул жанисел ишазул министрасги.
Гьеб къокъаялъул нухмалъулев чIвана МахIачхъалаялда тIобитIараб хасаб операциялда.
Низам цIунулезул лъазабиялда рекъон, гьабсагIат цIехолел руго гьеб теракт гIуцIизе кумек гьабурал чагIи.
