2 сон барай МухIамадова Алимат тIагIана шамат къоялъул радал 10 тIубараб гIадаб мехалда гьезул хъизамалъ гIумру гьабун бугеб МахIачхъалаялъул ГIахъущиясул къотIноб бугеб минаялъул азбаралъуца. Гьей жиндирго щуго сон барав вацасда цадахъ эбел ячIинегIан азбаралъуй тира-сверулей йикIун йиго. Алиматил вац Камилица бицухъе гьезда аскIое ячIун йиго гьазда лъаларей чIужугIадан ва гьесул цIарги абун, дуе лъим гьекъезе инее бокьун батани, айин, мун вачIинегIан дун йикIинин ясалда аскIойилан абун буго. Гьедин лъим гьекъезе рокъове арав Камилги гьесул эбелги ячIиналде ясги гьей гIаданги тIагIун ратун руго.
Алиматил гIагарлъиялъ киса-кибего ахIи бахъинабуна яс тIагIун йигин абун. Интернеталдасан гьелъул сураталги, яс тIагIун йигин абурал баяналги хехго тIиритIун ана киса кирего. Хасго социалиял бухьеназдасан гIадамаз цIакъ кIваркьун добе –гьанибе ритIулел рукIана гьей ясалъул суратал.
Дагъистаналъул блогерал ва гьадинго яс ялагьизе кумек гьабизе бокьарал къокъаби гIуцIун гьелъул-цIех рех гьабизе лъугьиналъул хIакъалъулъ бицана «Эркенлъи» радиоялъе журналист ва блогер Аида Мирмаксумовалъ.
Аида Мирмаксумова: «ГьатIанкъоялъул радал сагIат I0ялда киналго яс ялагьизе кумекалъе рачIине бокьарал данделъана МахIачхъалаялъул жанисел ишазул идараялда аскIор. Нижер кинавниги къогогIан чи вукIана. Цин полициялъулазда данд бана щиб кин гьабилебали. Хадур рикьа-къотIун кIварас кIвараб гьабулеб букIана. Цо къокъа Алиматил сураталги росун гьел рикьизе дора-гьанир шагьаралда гьел чIвазе ана, цо-цоял яс тIагIараб бакIалдасан хьвадулеб жамгIияб транспорталъул шоферзабазул автомобилазда ругел видеорегистратораз бахъараб записазухъ рагьагьун рукIана, цойгидал гьебго мухъалда ругел къватIиб лъугьа-бахъунеб видеоялде рахъулел камерабаз бахъаралъулъ ралагьун рукIана. Гьениб цо камераялъул записалда рахъун ратана тIагIарай ясги гьей йикъарай гIаданги. Гьеб суратги нижеца хехго интернеталдасан тIибитIизабуна. Гьебги бихьун МахIачхъалаялда аскIоб бугеб Хушет абураб росулъа гIолохъабазда ятIа-яхъизе лъай йиго ясги гьей гIаданги. Гьелъ Хушеталда къотIной ятарай цойги гьитIинай ясалдаса кIилкIал рахъун руго, гьелда хадур рекерарал васазда ятIа-яхъизеги лъан, гьез ккун йиго гьей ва полициялде лъазабун буго. Полицияги бачIун гьеб бакIалдаго ккуна гьей»
Дагъистаналъул къуваталъул идарабаз кьурал баяназда рекъон Алимат МухIамадова йикъун йиго цееги туснахъ гьаюн йикIарай гIаданалъ.
Егор Балашов : «Гьей яс йикъиялда щаклъи бугей полициялъ ккун йиго. Гьелда хурхун цIех-рехги унеб буго. Алимат МухIамадова йикъиялда щаклъи бугей Хив районалдаса, I987 соналъ гьаюрай Янгибекова Сабрина цееги туснахъ гьаюн йикIана. Гьаб сагIатадалда тIокIал мухIканал баянал кьун бажаруларо», - ян бицана «Эркенлъи» радиоялъе Россиялъул цIе-рехалъул комитеталъул Дагъистаналда бугеб идараялъул вакил Егор Балашовас.
Алимат МухIамадовалъул эбел-эмен ратIалъун рукIун, эбелалъе квешезе инсуца гьабун батизе бегьулин гьеб ишиланги абулеб букIана бетIералда. Хасго гьей ясалъул вацас бицухъе Алимат йикъун арай гIадан цее инсуца гьей хьихьизе гIарацги кьун ккурай чIужуялда релъарай йикIана. Амма цIех-рехалъул идарабаз чIезабухъе гьей хьихьун йикIарай гIадан ва ясалъул эмен гьеб ишалда гьоркьор рукIун гьечIо.
Интернеталда цIакъ кIудиял бахIсал рижизаруна гьей яс тIагIиналъ. Гьей ятун хадуб яс йикъарай гIадан чIвазе кколин, цойгидизда цееги ячун тIу-тIун язе кколин абулеб букIана цIакъго ццин бахъараз. Полициялъ ккун ячун унагоги гьелда тIад речIчIун рукIана руччаби, къуваталъул идарабазул вакилзабаз хIалихъе нахъе рачана гьел. Полициялъ ккун хадуб журналистаз щайин дуца гьеб иш гьабурабилан цIехедал Янгибековалъ жиндица яс йикъичIилан чIечIо, журналистазул суалалъеги гьелъ жинда лъаларила щай жинца гьеб иш гьабурабилан абулеб букIана.
Алиматил гIагарлъиялъ киса-кибего ахIи бахъинабуна яс тIагIун йигин абун. Интернеталдасан гьелъул сураталги, яс тIагIун йигин абурал баяналги хехго тIиритIун ана киса кирего. Хасго социалиял бухьеназдасан гIадамаз цIакъ кIваркьун добе –гьанибе ритIулел рукIана гьей ясалъул суратал.
Дагъистаналъул блогерал ва гьадинго яс ялагьизе кумек гьабизе бокьарал къокъаби гIуцIун гьелъул-цIех рех гьабизе лъугьиналъул хIакъалъулъ бицана «Эркенлъи» радиоялъе журналист ва блогер Аида Мирмаксумовалъ.
Аида Мирмаксумова: «ГьатIанкъоялъул радал сагIат I0ялда киналго яс ялагьизе кумекалъе рачIине бокьарал данделъана МахIачхъалаялъул жанисел ишазул идараялда аскIор. Нижер кинавниги къогогIан чи вукIана. Цин полициялъулазда данд бана щиб кин гьабилебали. Хадур рикьа-къотIун кIварас кIвараб гьабулеб букIана. Цо къокъа Алиматил сураталги росун гьел рикьизе дора-гьанир шагьаралда гьел чIвазе ана, цо-цоял яс тIагIараб бакIалдасан хьвадулеб жамгIияб транспорталъул шоферзабазул автомобилазда ругел видеорегистратораз бахъараб записазухъ рагьагьун рукIана, цойгидал гьебго мухъалда ругел къватIиб лъугьа-бахъунеб видеоялде рахъулел камерабаз бахъаралъулъ ралагьун рукIана. Гьениб цо камераялъул записалда рахъун ратана тIагIарай ясги гьей йикъарай гIаданги. Гьеб суратги нижеца хехго интернеталдасан тIибитIизабуна. Гьебги бихьун МахIачхъалаялда аскIоб бугеб Хушет абураб росулъа гIолохъабазда ятIа-яхъизе лъай йиго ясги гьей гIаданги. Гьелъ Хушеталда къотIной ятарай цойги гьитIинай ясалдаса кIилкIал рахъун руго, гьелда хадур рекерарал васазда ятIа-яхъизеги лъан, гьез ккун йиго гьей ва полициялде лъазабун буго. Полицияги бачIун гьеб бакIалдаго ккуна гьей»
Дагъистаналъул къуваталъул идарабаз кьурал баяназда рекъон Алимат МухIамадова йикъун йиго цееги туснахъ гьаюн йикIарай гIаданалъ.
Егор Балашов : «Гьей яс йикъиялда щаклъи бугей полициялъ ккун йиго. Гьелда хурхун цIех-рехги унеб буго. Алимат МухIамадова йикъиялда щаклъи бугей Хив районалдаса, I987 соналъ гьаюрай Янгибекова Сабрина цееги туснахъ гьаюн йикIана. Гьаб сагIатадалда тIокIал мухIканал баянал кьун бажаруларо», - ян бицана «Эркенлъи» радиоялъе Россиялъул цIе-рехалъул комитеталъул Дагъистаналда бугеб идараялъул вакил Егор Балашовас.
Алимат МухIамадовалъул эбел-эмен ратIалъун рукIун, эбелалъе квешезе инсуца гьабун батизе бегьулин гьеб ишиланги абулеб букIана бетIералда. Хасго гьей ясалъул вацас бицухъе Алимат йикъун арай гIадан цее инсуца гьей хьихьизе гIарацги кьун ккурай чIужуялда релъарай йикIана. Амма цIех-рехалъул идарабаз чIезабухъе гьей хьихьун йикIарай гIадан ва ясалъул эмен гьеб ишалда гьоркьор рукIун гьечIо.
Интернеталда цIакъ кIудиял бахIсал рижизаруна гьей яс тIагIиналъ. Гьей ятун хадуб яс йикъарай гIадан чIвазе кколин, цойгидизда цееги ячун тIу-тIун язе кколин абулеб букIана цIакъго ццин бахъараз. Полициялъ ккун ячун унагоги гьелда тIад речIчIун рукIана руччаби, къуваталъул идарабазул вакилзабаз хIалихъе нахъе рачана гьел. Полициялъ ккун хадуб журналистаз щайин дуца гьеб иш гьабурабилан цIехедал Янгибековалъ жиндица яс йикъичIилан чIечIо, журналистазул суалалъеги гьелъ жинда лъаларила щай жинца гьеб иш гьабурабилан абулеб букIана.
