Чачаналъ цебетΙолеб буго ислам. Руччабиги ясалги ругьунлъулел руго цΙиял къануназде, г1адатазде. Ригьин гьабичΙеб бухьеналъул хΙакъалъулъ харбалцин суриялдасан рацΙиналъул чΙваялъе яги сигарета цΙай аресталъе багьаналъун букΙине рес буго гьениб. Фотограф ва хъвадарухъан Диана Маркосяница рахъарал суратазда бихьизабулеб буго Чачан республикаялда ясазул гΙумру.
Чачаназул ясазул гlумру
1
15 сон барай Седа Макагиевалъул къаз битΙизабулеб буго аскΙор ругел ясаз. Гьелъ жийго лъикΙай лъугьун байбихьун буго хΙижаб ретΙизе. Гьезул хъизаналда лъицаниги гьеб рΙетΙулеб букΙун гьечΙо.
2
Сержень-Юрт росулъ дандчΙвалел руго васги ясги.
3
Сержень-Юрт росдал тΙоцебесеб школалъул ичΙабилеб классалъул ясазул гΙемерисез ретΙулеб буго хΙижаб.
4
Сержень-Юрталъул школалъул физкультураялъул дарсида.
5
Дарсазда хадуб цΙалдохъаби ракΙарулел руго Европаялдаго бищунго кΙудияб мажгиталда цере. Чачаналъ диналде балагьичΙого киналго ясаз цΙалул идарабаздаги офисаздаги къазе кколеб буго кΙаз.
6
Официалиял гурел мадрасазда ясаз лъазабулеб буго къургΙан.
7
15 сон барай Лаюса Ибрагьимовалъе гьабулеб буго маникюр. Гьей росасе уней йиго 19 сон барав Ибрагьим ГΙисаевасе. Гьезул ригьиналъул хΙакъалъулъ къотΙи-къай гьабун буго гьезул эбел-инсуца.
8
21 сон барай Амина Мутиева ккола Грозныялда бугеб Исламияб университеталъул студент.
9
Чачаназул къурдохъаби Грозныялъул концертазул залалъул пардавалда нахъ.
10
Грозныялъул концертазул залалъул пардавалда нахъ. Чачаназул чанги машгьурал культураялъул хΙаракатчагΙи руссана исламалъул дресс-кодалде ва гьединаб къагΙидаялда гьединаб ретΙа-къай буссинабуна модаялде.
11
16 сон барай Жамиля Идалова жиндирго бертиналъул къоялда. Гьей хъамун йиго гΙолохъанав васас. Ахир-къадги гьелъул хъизан разилъун буго гьей россасе кьезе. Рамзан Къадировас лъазабун буго ясал хъами къануналде данде кколареб гΙадатин. Амма гьединал хΙужжаби халат рахъунел руго.
12
Чачаназул вас ясазухъ валагьун вугеб куц...
13
Чачаназул руччаби ратΙа чΙун рукΙуна берталъ...
14
ГΙолохъаби эхетула руччабазде дандехун цогидаб рахъалда.
15
29 сон барав Казбек Муцаев кьвагьдолев вуго Грозныялъул рагΙалда. Бертадул гьединаб гΙадат буго чачаназул цебегоялдаса.