Дунял цифрабаздалъун ва суратаздалъун.
Дунял статистикаялдалъун
1
СагIудиязул ГIарабиялда къватIисел улкабазул гаржданазул 5 чиясул бетIер къотIун буго жидерго улкаялда гIадамал чIваялъул ва цIогь гьабиялъул гIайибги гIунтIизабун. Гьаб соналда гьанжеялдего улкаялда чIван вуго 78 чи. Цебесеб тIубараб соналда жаниб гьединаб тамихI гьабун букIун буго диваналъ тамихI къотIаразул 87 чиясе.
2
7 миллионгун 770 азарго доллар Россиялъул нухмалъиялъ хвезабула батIи-батIиял тадбирал тIоритIулеб мехалда цIад базе биччангутIиялъул мурадалда.
3
ВацгIалзабигун яцгIалзабазул ва цинагIалазул ригьиназда рижарал гIадамазул къадар дунялалда кколеб буго 10.4 – процент.
4
14 маялда 89 соналъул гIелалда хварав джазалъул гитарист Би Би Кингица санайил гьоркьохъеб къагIидаялда кьолеб букIун буго 275 концерт.
6
ГIага-шагарго 50 азарго сайгак хутIун буго чIаго Казахстаналъул нухмалъиялъ Совет Союз биххун хадуб гьеб хIайваналде чан гьукъун хадуб.
7
523 азиялъул гъалбацI буго жакъа Индиялъул магърибалъул рахъалда бугеб Гуджарат штаталда. Щуго соналъ цебе букIараб къадаралде данде ккун гьеб ккола 27 проценталъ цикIкIун.
8
Рагъазе ва конфликтазе сабаблъун жидерго бакIал тун лъутизе ккаразул дунялалда вуго 38 миллион чи. Гьеб кколеб буго Пекиналда, Нью-Йоркалда ва Лонданалда гIумру гьабулезул цадахъ босун къадар.
9
11 миллиардгун 300 миллионов доллар хвезабун буго Америкаялъ КIиабилеб дунялалъул рагъ унеб мехалда Совет Союзалъе кумек гьабулаго. Жакъа гьеб букIунаан инфляция ракIалде босун 190 миллиард доллар.