Россиялъул экс-премьер-министр, оппозицияб ПАРНАС партиялъул лидер Михаил Касьяновас лъазабуна, ФСБялъ инкар гьабунин оппозициялъулал ишаналде росараб видео «Инстаграмалда» лъеялда бан Чачан республикаялъул бетIер Рамзан Къадировасда хурхун такъсирияб иш рагьизейин.
1 февралалда Къадировас интернеталда лъураб гьединаб видео оппозициял политиказ къабул гьабуна жалго чIваялъе хIинкъи кьей хIисабалда.
Гьеб видео интернеталда баккун хадуб, Россиялъул президентасул пресс-секретарь Дмитрий Песковас лъазабуна, Кремль Къадировасул «Инстаграмалда» хадуб халги ккун букIунарин.