Ростов областалъул Донецк шагьаралъул диваналъ инкар гьабуна Украиналъул пилот Надежда Савченкое яцгунги эбелгунги дандчIвазе ва гьединго гьелъухъе Украиналъул медикал риччазе. Гьелъул хIакъалъулъ лъазабуна Савченкол адвокат Николай Полозовас жиндирго Твиттералда.
Гьелда цебе диваналъ лъазабуна, Надежда Савченкое хIукму къотIизе бугин 21-22 марталдайин. Гьелъие жаваб хIисабалда Саченкоца лъазабуна жинца якъун чIеялъул акция халат бахъинабизе бугин.
Россиялъ Савченкоде гIайиб гIунтIизабулеб буго Донбассалда Россиялъул кIиго журналист хвеялде хурхен букIиналъул ва Россиялъулгун гIорхъи бахиналъул. Надежда Савченкол темаялъул баян нижер программаялда букIине буго дагьалъ хадуб.