"Инстаграмалда" жиндирго гьумералда Чачанлъиялъул бетIер Къадиров Рамзаница лъун буго оптикияб ишан бугеб туманкIгун кодоб бахъараб жиндирго сурат. Гьелда гъоркьги хъван буго «БичIчIинчIесда бичIчIизе»,-ян. Гьединаб комментарийгун Къадировас дагьаб цебе кьун букIана экс-премьер-министр Михаил Касьяновги «Рагьараб Россиялъул» координатор Владимир Кара-Мурза -васги ишаналде росараб видео.
Оппозиционераз гьеб видеоялде абуна «гIадамал чIвазе гьабулеб ахIийин» ва гьез Къадировасда тIасан гIарза хъван буго ФСБялдеги ЦIех-рехалъул комитеталдеги. «Гьеб киналдего реакция гьабичIеб тIалъги-гьелъул гIахьалчагIи бугин» лъазабулеб буго интеллигенциялъул Конгрессалъул лъазабиялда ва «Нилъ киналго гIужие росун руго» абураб игIлангун гьез ракIарулел руго Касьяновасул ва Кара-Мурзал рахъккун гъулбасал.