Америкалъул Цолъарал Штатазул президент Барак Обамаца абулеб буго Россиялъе заман щванин стратегикияб хIукму гьабун – Башар Асадиде данде чIараб Сириялъул гIодобе биччараб оппозициялде гуреб - Исламияб пачалихъалде данде къеркьей байбихьизе.
Гьадинаб калам Америкалъул президентас гьабуна Куала-Лумпуралда тIобитIараб пресс-конференциялда. Барак Обамаца ракIалде щвезабуна Синаялъул бащдабчIинкIиллъиялда Россиялъул аэробус кьвагьизабун букIараблъи ва абуна, Путинида тIадаб бугин жиндирго гражданал чIварал террористал тIагIинаризе.