Евроцолъиялъ кIиго миллиардгун ункънусго миллион евро биччазе буго мигрантазул масъала тIуразарулел улкабазе хIалае. Гьеб гIарац анлъго соналъул болжалалъе кьолеб буго. Бищун кIудияб бутIа – ай щунусиялда лъабкъого миллион евро – биччалеб буго Италиялъе. Грециялъе кьолеб буго ункънусиялда лъабкъоялда анцIго миллион евро.
Европаялде рачIунел мигрантазул къадар цIикIкIун буккIиналъ Евроцолъиялъул улкабазда гъорлъ бахIс багъаризабуна. Исана 192 азарго мигрант вачIун вуго Европаялде Африкаялдасаги ГIагараб Машрикъалдасаги ралъдалъан. КIиазаргогIан мигрант гъанкъана ралъдалъ.