МахIачхъалаялъул вукIарав мэр СагIид Амировасде гIайиб гIунтIизабулеб рахъалъ тIалаб гьабуна гьев гIумруялъго жаниве тIамизе. Шималияб-Кавказалъул рагъулаб диваналъул данделъиялда прокурораз лъазабуна киналго далилал ратун ругин ва Амиров гIайибиявлъун вугин 2011 соналда ЦIех-рех гьабулеб Комитеталъул хIалтIухъан чIваялда ва Каспийскалда бугеб дармилгун хIухь бахъулеб централде кьвагьдей гьабиялда бан.
Гьев рикIкIулаан рехсарал такъсиразул гIуцIарухъанлъун. Живго Амиров гьединал гIайибазе мукIурлъулев гьечIо. Гьес абулеб буго нугIзазухъа далилал рахъун ругин гъозие гIазаб-гIакъуба кьун.