Россиялъ абулеб буго Америка «хIадураб гьечIин» «Исламияб пачалихъ» абулеб экстремистияб къукъагун къеркьеялъул муралалда Сириялъул хIукуматгун рекъон хIалтIизейин.
9 августалда Россиялъул телевидениялдасан кIалъалаго улкаялъул къватIисел ишазул министр Сергей Лавровас абуна Катаралда Америкаялъул Пачалихъияв секретарь Джон Керригун букIараб данделъиялда жинца гьесда абунин къотIи гьабизе бигьаяб букIине гьечIищин Сириялъул рахъги гIахьаллъарал кIалъа-ралъаял гьаруниян.
«ГIагалигун абизе кколеб буго американиял гьелде хIадурал гьечIин»-ян абуна Лавровас.
Лавровас гьединго нахъчIвана Асадил хIукуматалъул балъго гьабураб химикияб ярагъ бугн абурабги. Гьединал «кьучI гьечIел» харбал «жалго тезе» кколин ва жинца «гарантия» кьолин киналго претензиязул «кIицIул хал гьабизе» букIиналъулин абуна Лавровас. Сириялъул хIукумат цадахърекъон хIалтIизе букIин лъалин жидедайин абуна Россиялъул къватиIсел ишазул министрас гьатIан къоялда улкаялъул телевидениялдасан.