Азербажаналдаса журналист Хадижа ИсмагIиловаялда тIад къараб режималда диваналъул процесс байбихьун буго Бакуялда. АнцI-анцI активистасе, журналистасе ва демократиял къукъабаздаса гIадамазе бокьун букIана гьеб диваналде ине, амма гьезие гьединаб рес щвечIо 7 августалда. Азербажаналъул тIалъи хъачIго какулей йикIарай ИсмагIиловалда гIунтIизарулел руго хIалтIудаса цIикIкIун пайда босиялъул, кколареб бакIалде рагIац харж гьабиялъул ва магъалоял кьунгутIиялъул гIайибал. Гьелъ гьел киналго гIайибал политикиял кьучI бугин абун нахъчIвалел руго. Гьей жаний тIами тIатIалаго какулеб буго Магърибалъул инсанасул ихтиярал цIунулезул къукъабазги. ИсмагIилова жаний тIамуралдаса буго микьго моцI.