Гъалгъаязул Сунжа мухъалда чIварав микьго чи «Исламияб пачалихъ» абулеб террористияб гIуцIиялдаса гIадамал рукIанин лъазабулеб буго Миллияб Антитеррористияб Комитеталъ. Гьезулго баяназда рекъон, 2 августалда рохьоб гъоркьчIел гьабун чIварал гьезие нухмалъи гьабулеб букIун буго Тагилов Адамица. Гьесда абуни буго араб соналъул декабралда Грозныялде яргъидгIуцIаразул гьужум гIуцIиялъул щаклъи. Къуватазул баяназда рекъон, гьеб къукъа чIван буго артиллерия хIалтIизабураб рагъулаб тунка-гIусиялда.
Цоясул хутIизегIан рехсолел руго гьел киналго чIваразул цIаралги. Гьезул гIагаразул рахъалдасан жеги гьечIо кинал рукIаниги баянал.