Гъабардагун-Балкариялда чIван вуго анлъго чи. Россиялъул хIинкъигьечIолъи цIуниялъул идарабазул баяназда рекъон, щаклъи букIана гьел инзу гьечIого яргъидгIуцIаразул кьеразулъ рукIиналда.
Миллияб Антитеррористияб Комитеталъул баяназда рекъон, 3 августалъул сардилъ гьел чагIи сверун ккун руго республикаялъул тахшагьар Нальчикаялда гIемертIалаялъул минаялъул цо рокъор ва гьениб тIобитIараб хасаб операциялъул хIасилалда чIванги руго. Гьезда гьоркьой йикIун йиго цо чIужугIаданги. Гьелдаса кIиго анкьалъ цебе Нальчикалда хасаб операциялъул хIасилалда чIван вукIана гьединабго щаклъи ккарав цоги анлъго чиги.