ГIиракъалда бугеб Курдазул автономияб икълималъул цевехъан Маъсуд Барзаница шамат къоялъ Курдазул хIалтIул партиялъул рагъухъабазде ахIи бана ГIиракъалъул шималияб рахъалда ругел мухъал тун, къватIирехун аилан абун, гурони Туркиялъул рагъулаб авиациялъ гьавадул гьужумал гьарун ракълилал гIадамалги ракIалдаго гьечIого чIвазе рес бугин.
Араб анкьида Туркиялъул гьавадул гьужумазул хIасилалда Туркиялъул авиациялъ гIага-шагарго 260 курдазул рагъухъан чIвана. Рухман къоялъ Курдистаналъул автономияб икълималъул къватIисеб политикаялъул бетIар Фалах МустIапа Бакирица какана Курдазул ХIалтIул партиялъ ракълилаб къотIи-къай хвезабизе гьабураб хIукму.