Украиналъул прокуротуроялъ такъсирчилъиялъул цIех-рех гьабуна Россиялъ аннексия гьабураб Крымалде Франциялъул депутатаз сапар бухьун букIиналда банГьадин лъазабуна жиндирго Фейсбукалда Украиналъул ТIадегIанаб радаялъул депутат Георгий Логвинскияс.
Гьес хасаб хитIаб гьабуна Генералияб прокуротуроялде ва гьелъ гьеб гIадахъ босун бугин.
Франциялъул вукIарав президент Николя Саркозица тIалъи гьабулеб «Республиканиялилан» абулеб партиялъул рахъалъан парламенталъул анцIго депутат халкъаздагьоркьосеб къанун хвезабунин, изну гьечIого аннексия гьабураб территориялде вачIун.
Гьеб иш какана Франциялъул къватIисел ишазул министерлъиялъги. Киевалъ лъазабуна гьел депутатазе гьанжеялдаса гьукъараб бугин Украиналде рачIине.