Америкалъул цолъарал Штатазул президент Барак Обамаца Эфиопиялъул премьер-министр Хайле Десанелицагун Аддис-Абебаялда тIобитIараб пресс-конференциялда абуна, арал гIодоркъоязда Сомалиялъул тахшагьар Могадишоялда гьарурал терактаз цойги нухалъ нугIлъи гьабулеб буго «аш-Шабаб гIадал террористикиял къукъабазул хIаракатчилъи гьоркьоса къотIизе кколеблъи.
Барак Обамаца гьединго Эфиопиялъул тIадтаразде ахIи бана рагIуе эркенлъиялъе гьабулеб тIадецуй нахъ чIваялда ва улкаялда политикияб гIумру рагьараблъун гьабиялда. Эфиопия ккола Цолъарал Штатаз терроризмалде данде бачунеб рагъул партнерлъун.