Москваялъул бутIруз инкар гьабун буго 25 июлалда националистазе тIобитIизе бокьараб акциялъул суал гьоркьоб лъезе. Гьелъул хIакъалъулъ лъазабуна «Русские» абураб гIуцIиялъул лидер Дмитрий Демушкиница. Гьесул рагIабазда тахшагьалъул нухмалъиялъул вакильзабаз жаваб кьун гьечIо, щай гьез инкар гьабулеб бугебали гьеб акциялъе.
Националистазе тIобитIизе бокьараб акциялъул тIалабазда гьорлъ рехсолеб рагIула гьединго Азиялъулгун Жанубияб Кавказалъул улкабаздаса киналго мигрантазул депортацияги.