Тбилисиялда гIага-шагарго лъабазарго чияс гIахьаллъи гьабуна Россиялъул политикаялде данде гIуцIараб демонстрациялда. Демонстарантаз Россиялде гIунтIизабуна Абхазиялъул ва Жанубияб Гьиристаналъул оккупация гьабиялъул гIайиб.
Гуржистаналъул парламенталда цере рачIун, демонстрантаз эхеде рорхана «Тушмангун цадахъ хIалтIизе гIела» ян абурал игIланал.
Гьеб акциялъул гIуцIарухъабазул цояй - Тамара Черголеишвилица Франс-Пресс агентлъиялъе лъазабуна, демонстрациялъул мурад – Россиялъул агрессивияб политика XXI-билеб гIасруялда анахронизм букIин бихьизабизе.