Цебе гьебго вилаяталда «Исламияб пачалихъилан» абулеб радикалияб багъа-бачариялъ цо чанго гьадинабго кьвагьи гьабун букIана.
«Исламияб пачалихъалъул» рагъухъабаз Сириялда курдазул къукъабазул контролялда гъоркь бугеб мухъалда загьруяб газ хIалтIизабунин июнь моцIалъул ахиралда, ян лъазабуна 18 июлялда ахIвал-хIалалъухъ хал-щал гьабулеб курдазул къукъаялъ.
Гьеб хIужа дурус гьабуна КIудияб Британиялъул цIех-рехчагIазги. Гьезул баяназда рекъон «Исламияб пачалихъалъ» «Пешмерга» абулеб курдазул яргъид гIуцIараб къукъаялъул рагъухъабазде данде химикияб ярагъ хIалтIизабулеб буго. Сириялда гуребги – ГIиракъалдаги.