«ГIазаб кьеялде данде комитет» абураб инсанасул ихтиярал цIунулеб гIуцIиялъ лъазабуна, жидеца хIалтIи халат бахъинабизе бугин Грозныялда 2009 соналда чIварай «Мемориал» абураб гIуцIиялъул йикIарай хIалтIухъан Наталья Эстемировалъул квартираялдайин.
Гьелъул хIакъалъулъ «Интерфакс» агентлъиялъе лъазабун буго гьеб комитеталъул нухмалъулев Игорь Каляпиница. Гьединаб вариант, гьесул рагIабазда, загьир гьабун буго Европаялда гIумру гьабун йигей Эстемировалъул ясалъ.
Каляпинилго рагIабазда, гьесул гIуцIиялъ хIалтIи халат бахъинабизе буго гIагарисел къоязда.
Жиндирго хIалтIи инсанасул ихтиярал цIунулеб гIуцIиялъ чIезабун букIана 3 июналда гьелъул офисалде гьабураб тIадекIанциялда хадуб.