Гьиллари Клинтоница официалияб къагIидаялда байбихьана СШАялъул президентасул посталде Демократияб партиялдаса кандидатура лъеялда хурхараб къеркьей.
Нью Йоркалда жиндирго рахъ кколев аза-азар чиясда цее яхъунаго, йикIарай пачалихъияй секретаралъ лъазабуна, цебетIей ва ресал гIатIилъи талъиялдаги компаниязул бутIрузда гуребги, хъвазе кколин гIадатиял гражданаздагийин. «Америка цебетIураб улка букIунаро, нуж киназулго ресал цIикIкIунел гьечIони», - ян жубана Клинтоница.
КъватIисеб политикаялда хурхун пикраби загьир гьарулаго гьелъ кIвар буссинабуна Америкаялъул хIинкъигьечIолъи шулалъизабиялъул кIудияб къварагIел букIиналде.