Шималияб Осетиялъул Алагир шагьаралда 450-ялдасаги цIикIкIун чиясул сахлъиялъе зарал ккун буго гьекъолеб лъедаса.
Гастроэнтероколит абураб диагноз лъун азарханаялда вегизавун вуго 66 чи, гьездаго гъорлъ 18 лъимерги.
Шималияб Осетиялъул «Роспотребнадзоралъул» баяназда рекъон, лъугьа-бахъиналъе гIиллалъун ккун букIине бегьула, лъин кьабулеб бакIалда ккараб гьитIинабго авария.
Гьениб кIиабилеб нухалда ккун буго лъеца гIадамазул сахлъиялъе зарал ккьезабиялъул хIужа. ТIоцебе гьединаб хIужа загьирлъана 2014 соналъул октябралда.