Чачан республикаялъул бетIер Рамзан Къадиров какулеб Михаил Ходорковскиясул «Открытая Россия» абураб багъа-башариялъ бахъараб «Семья» абураб документалияб фильм YouTube-алда балагьизе кIолареб къагIидаялде буссинабун буго «Т&К Продакшн» абураб фирмаялъул бетIергьан Ильяс Сынбулатовасул авторасул ихтиярал хвезариялда хурхараб гIарзаялда рекъон.
Кинал ихтияразул бицен гьабулеб бугебали, лъазабулеб гьечIо.
ЖамгIияб багъа-башариялъ лъазабулеб буго, фильм жидеца бахъанин киналго къануназде данде кколеб къагIидаялдайин, авторлъиялъул киналго ихтияразул тIалабалги тIуразарунин.