Associated Press агентлъиялъул лъазабиялда рекъон, Ватиканалъ официалияб къагIиялда Палестина къабул гьабулеб буго пачалихъ хIисабалда. АрбагI къоялда хIадур гьабун лъугIараб Палестинаялъулгун къотIи-къаялъул тексталда «Палестина эркен гьабиялъул гIуцIи» абураб бакIалда хъван буго «Палестина пачалихъ» абун.
Палестинаялъе пачалихъалъул статус кьеялъул Цолъарал миллатазул гIуцIиялъул Генералияб Ассамблеялъул хIукмуялъе Ватиканалъ лъикIаб къимат загьир гьабун букIана 2012 соналъги.