Сириялъул оппозициялъул рагъул аскариял тунка-гIусиязда гIахьаллъизе ругьун гьарила Америкаялъул Цолъарал Штатаз. Оппозциялъул рагъулазул тIоцебесеб къукъа – гьелда гъорлъ вуго 90 чи – щвана хасаб базаялдеян, лъазабуна СШАялъул миноборонаялъул министр Эштон Картерица.
ТIаса вищарав 400-ялдаса цIикIкIун рагъухъанасе хасал курсал кьезе руго Турциялда, Иорданиялда, СагIудиязул ГIарабиялда ва Катаралда ругел базабазда. Гьел рагъухъабазухъ кодобе ярагъги кьезе буго, гьезие стипендияги чIезабизе буго.
Штатазул хIукуматалъул лъазабиязда рекъон, ругьун гьарурал рагъулал «Исламияб пачалихъ» гIуцIиялде данде къеркьезе руго. Сириялъул оппозициялъул рагъухъаби ругьун гьариялъул программа лъабго соналъ халат бахъила. I5 азаралдаса цIикIкIун рагъулав ругьун гьавизе ракIалда буго лъабго соналда жаниб.