«Бергьенлъиялъул ирсилал»
Исана лъабабилеб нух буго 7 маялда Дагъистаналъул тахшагьаралда Бергьенлъи босаразул ирсилазул парад тIобитIулеб. Къокъаби ккун унел цIалдохъабазухъги студентазухъги балагьун рукIана жалго гьеб Бергьенлъи босарал ветераналги, гьезул гIагарлъиги, республикаялъул нухмалъулелги. Кодор ккун рукIана рагъул гIахьалчагIазул сураталгун, байрахъалгун гIолилаз сверана тIолабго майдан. РагIулеб букIана рагъулаб музыкаги. Ветераназда цере щведал «Ура!» ян ахIизе кIочонгеян марш бачунел гIолилазда малъулел волонтералги рукIана.