Низам цIунулез финансазул пирамида гIуцIаравлъун рикIкIунесул иш диваналде битIун буго Дагъистаналъул прокуратураялъ. Ташкапур росулъа гьев чияс дагъистаниязухъа 86 млн гъурущ бикъанин, рикIкIунеб буго цIех-рехалъ.
Прокуратураялъул лъазабиязда рекъон, гьев чияс гIадамал гуккиялъе гIоло гIуцIана хасаб схема. Гьелда рекъон, гьесухъе гIарац кьурав чиясе гьеб гIарац чанго нухалъ цIикIкIараблъун нахъщвезе кколаан. Гьесул такъсир сабаблъун 5I чиясе зарал ккун рагIула.