«Исламияб пачалихъ» абулеб гIуцIиялъул аслияв ункъго цевехъан вугев бакI лъазабурасе Америкаялъул Цолъарал Штатаз долларазул 20 млн кьезе рагIула.
СШАялъул Пачалихъияб департаменталъул информациялда рекъон, Абд аль-РахIман Мустафа аль-Къадули вугеб бакI лъазабурасе 7 млн кьезехъин буго. «Исламияб пачалихъ» гIуцIиялде вачIиналде, гьев вукIана «Аль-Каидаялда» гъорлъ.
ГIуцIиялъул пресс-секретарлъун рикIкIунев Абу МухIамад аль-Аднани вугев бакI бицарасе щуго миллион кьела СШАялъ, Сириялъул ва Турциялъул гIорхъода аскIоб бугеб регионалда «Исламияб пачалихъ» гIуцIиялъул вакиллъун рикIкIунев Тарик бен Аль-Тахара вугев бакI лъазабурасе кьела 3 миллион.
5 миллион кьезехъин рагIула Тархан Батирашвили вугев бакI бицарав чиясе. Батирашвили лъалаан ГIумар аль-Шишани гIадин ва гьев ккола гIуцIиялде гъорлъе унеб цояб къукъаялъул цевехъанлъун.