Россиялъул жасус ккунилан лъазабулеб буго Литваялъул генералияб прокуратураялъ. Гьев чиясул цIар гьез бицунеб гьечIо, амма абулеб буго гьев кколин Россиялъул хасал хъулухъазул 38 сон барав хIалтIухъанлъун.
Генпрокуратураялъул лъазабиязда рекъон, гьев чиясул мурадлъун букIана Литваялъул нухмалъиялъул яги низам цIуниялъул кьеразда гъорлъ ккей.
Россиялъул консулгун дандчIвазе жасусасе ихтияр кьезе бугин лъазабуна Литваялъул КъватIисел ишазул министерлъиялъул нухмалъулес.