Истанбулалда полициялъ рузман къоялъ нахъе гъуна Таксим абулеб майданалда гIуцIараб демонстрация. Гьезда ва полициялъулазда гьоркьоб тунка-гIуссиял рагъарана.
Демонстрантаз низам цIунулезде ганчIал речIана, дозийн – лъим речIчIулеб гумпара хIалтIизабуна. 18 демонстрантазул ва анлъго полициялъулазул сахлъиялъе зарал щун буго.
Ккун вуго 140-гIан чи. Гьел кколаан Туркиялъул президент Ражаб ТIайгьип Эрдогъаниде данде чIолел оппозициялъул гIахьалчагIи.
Гьес президентасде гIунтIизабулеб буго оппозициялде тIадецуй гуребги, репрессиялги гьариялъул гIайиб гъов премьер-министрлъун вукIараб мехалда.