Австриялъул диваналъ инкар гьабуна Украиналъул бизнесмен Дмитрий Фирташ Цолъарал Штатазул тIадтаразул кверде кьезе.
Америкалъ гьесде гIунтIизабулеб буго коррупциялъул гIайиб. Хамиз къоялъул къаси Вена шагьаралъул диваналъ 12 сагIаталда жаниб халат бахъунеб данделъиялдаса нахъе лъазабуна Цолъарал Штатазул Юстициялъул министерлъиялъул тIалабалъе гIураб къадаралда далилал рачун гьечIин абун.
Живго бизнесменас нахъ чIвалеб буго жинде гIунтIизабулеб гIайиб ва абулеб буго гьеб бугин жинде гьабулеб политикияб тIадецуйилан.
Украиналъул вищун бечедав бизнесмен 49 сон барав Фирташ ккун вукIана Венаялда 20I4 соналда Цолъарал Штатазул гIари хIисабалде босун.