Европаялда хIинкъи гьечIолъи цIуниялъул ва цадахъ рекъон хIалтIи гьабиялъул гIуцIиялъул тохалчагIазул баяналда рекъон Казахстаналда арал президентасул рищиял альтернатива гьечIого тIоритIана.
Гьанжесев президент НурсултIан Назарбаевасе ва гьесул «Нур Отан» абулеб партиялъе оппозиция гьечIо республикаялда. ХIукумат какулел цо-цоял жанире тIамун руго, ялъуни ватIан тун, къватIисел улкабазда гIумру гьабулеб буго гьединаз.
Официалиял баяназда рекъон 26 апрелялда тIоритIарал рищиязда бергьана НурсултIан Назарбаев. Гьесие щванин рищарухъабазул гьаркьазул 97,7 процент. Назарбаевас Казахстаналъе гьоркьоса къотIулареб нухмалъи гьабулеб буго гьале 26 соналда жаниб.