ГьатIан къоялъул къасисеб эфиралъул «Президент» абураб «Россия 1» телеканалалъ бахъараб документалияб фильмалда Россиялъул президент Владимир Путиница лъазабулеб буго, улкаялде данде лъазарурал Магърибалъул санкцияби кколарин ургъелазе багьанайин. Санкцияби кколин Россиялъул цебетIей тохлъизабиялъе гьарулел хIалбихьиялин ва гьединал галаби нилъеда Россиялъул тарихалда рихьулел ругин, пачаясул заманалдасагойин.