Цолъарал Штатазул полициялъ Балтимор шагьаралда аресталде гъоркье восана полициялъул зулмуялде данде протесталъул акциялъул 10 гIахьалчи.
Ракълилаб къагIидаялда рагIалде бахъуне букIараб акциялъул гIахьалчагIазул цояз нахъе унеб мехалда байбихьун буго тукабазул ва къватIазда рукIарал автомобилазул цIурдул гъуризе.
Аресталда гъоркь вукIарав чIегIераб тIомалъул гражданав хвеялда бан протест загьир гьабизе Балтиморалъул къватIазде рахъун рукIана 1500-гIанав демонстрант.
Гьанжеги чIезабун гьечIо щиб гьабун гьесие ругънал аресталда гъоркь вукIарасе щваралали. Амма полициялъул комиссар мукIурлъун вуго гьесие заманалда медикияб кумек гьабичIого тун букIиналъе. Гьев комаялде ккун хадув анкьалдаса хун вуго.