Москва областалъул диваналъ талат къоялда 24 соналдаса байбихьун тIолабго гIумруялъулалде щун туснахъ бихьизабуна БОРН абураб, ай ГIурус миллатчагIазул къуватияб гIуцIиялъул гIахьалчагIазе. ТIолабго гIумру туснахъалда бахъизе рагIула Вячеслав ГIисаевас, Максим Баклагиница. Михаил Волковасе къотIун буго туснахъалъул 24 соналъул тамихI.
Гьа баразул диваналъ гIайиб гьечIевлъун вихьизавун вукIарав Юрий Тихомировасдаса гIайибал нахъе рахъун руго тIуранго.
ЦIех-рехалъул комитеталъул информациялда рекъон, БОРНалъул хурхен рагIула миллиябгун идеологияб кьучIалда гьабураб чанго чIваялде.
ГIуцIиялде гIунтIизарулел руго цогидал гIайибалги.
Комитеталъул хIисабалда рекъон, гьеб гIуцIиялъул гIахьалчагIазда щаклъи буго Москваялъул шагьаралъул диванчи Эдуард Чувашов, адвокат Станислав Маркелов, антифашистияб гIуцIиялъул лидерал Федор Филатов, Илья Джапаридзе Иван Хуторский ва тайбоксалъул рахъалдаса дунялалъул чемпион Муслим ГIабдуллаев чIваялъул.