Пакистаналъул тахшагьар Исламабадалде щвана Китаялъул халкъияб республикаялъул нухмалъулев Си Цзиньпинь.
Визит тIобитIулеб мехалда Сица загьир гьаризе рагIула Китаялдаги ГIарабиязул ралъдал рагIалда бугеб Пакистаналъул цIияб порталдаги гьоркьоб нух баялъул мурадалда 46 миллард доллар биччаялъул мухIканлъиял.
Исламабадалъул къватIазда ххун рагIула улкабазул байрахъалги, кIиябго улкаялъул гьудуллъи кIодо гьабун хъварал игIланалги.