Миллияб антитеррористияб комитеталъ тасдикъ гьабуна Буйнакск мухъалъул Герей-Авлахъ росулъ хасаб операция тIобитIулеб мехалда чIварал яргъид гIуцIаразул щуго чиясда гъорлъ «Имарат Кавказ» абураб гIуцIиялъул бетIер ГIалиасхIаб Къебеков вукIин.
Яргъид гIуцIаразул рахъ кколел сайтазда гьединго лъазабулеб буго, хасаб операция тIобитIулеб мехалда чIваразда гъорлъ вугин гьединго Унсоколо мухъалъул гIамирин жинде абулев Шамиль ХIасановгиян.