Лъабго чи хвана ва щугояв квешго лъукъана ГIиракъалда бугеб Эрбиль шагьаралда ккараб кьвагьиялда. Америкаялъул Цолъарал Штатазул вакиллъиялда гIагарда чIезабун букIараб автомобиль кьвагьиналан, лъазабулеб буго «Франс Пресс» агентствоялъ.
СШАялъул пачалихъияб департаменталъ лъазабухъе, вакиллъиялъул хIалтIухъабазе щибго зарал ккечIо – хвана ва лъукъана гIадатиял чагIи.
Эрбиль ккола Курдазул автономиялъул тахшагьарлъун ва гьенир кьвагьиялгун тунка-гIусиял ахираб заманалда ккун рукIинчIо.